بھوپال:21؍جولائی:وزیر امداد باہمی مسٹروشواس کیلاش سارنگ نے پیر کو نریلا اسمبلی کے تحت وارڈ 38 میں مختلف ترقیاتی کاموں کا بھومی پوجن کیا۔ مکینوں سے خطاب کرتے ہوئے وزیر مسٹرسارنگ نے کہا کہ نریلا کی ہمہ جہت ترقی کی قرارداد ہمارا عزم ہے۔ وزیر اعظم مسٹرنریندر مودی کی رہنمائی اور وزیر اعلیٰ ڈاکٹر موہن یادو کی قیادت میں حکومت ریاست کے ہر علاقے کو ترقی، گڈ گورننس اور عوامی بہبود کے مرکزی دھارے سے جوڑ رہی ہے۔ وزیر مسٹر سارنگ نے کہا کہ نریلا کے ہر گھر میں نرمدا کے پانی کے ساتھ ساتھ بنیادی ڈھانچہ جیسے سی ایم رائز اسکول، گورنمنٹ کالج، تھیم پر مبنی جدید پارک، فلائی اوور، سمارٹ سڑکوں کا جال اور نکاسی کا مثالی نظام علاقے کی تصویر اور تقدیر بدل رہے ہیں۔ انہوں نے کہا کہ ہم نریلا کے باشندوں کو آرام دہ، محفوظ اور خوشحال زندگی فراہم کرنے کے لیے پرعزم ہیں۔ اس موقع پر مقامی عوامی نمائندوں، معززین علاقہ سمیت علاقہ مکینوں کی بڑی تعداد موجود تھی۔نریلا اسمبلی کے تحت وارڈ 38 کے پرشوتم نگر، سمرا، شیو مندر کے قریب سڑک کی تعمیر اور خوبصورتی کا کام کیا جائے گا۔ ان کاموں سے مقامی شہریوں کو آسان اور محفوظ سفری سہولیات میسر آئیں گی۔
