بھوپال:27؍ستمبر:مدھیہ پردیش پولیس کانسٹیبل (بینڈ) بھرتی سال 2026 کا حتمی امتحانی نتیجہ ایم پی آن لائن کی ویب سائٹ iforms.mponline.gov.in پر جاری کر دیا گیا ہے۔ امتحانی نتیجے کی تفصیلی معلومات مدھیہ پردیش پولیس کی ویب سائٹ mppolice.gov.in پر دیکھی جا سکتی ہیں۔ مدھیہ پردیش پولیس کانسٹیبل (بینڈ) کے عہدے پر براہِ راست بھرتی کے لیے بھرتی امتحان سال 2026 کا انعقاد 24 جون 2026 سے 06 اگست 2026 تک بھوپال میں کیا گیا تھا۔ مذکورہ امتحان کے لیے کل 39,468 امیدواروں نے درخواست دی تھی۔
امتحان کے بینڈ ٹیسٹ میں کامیاب امیدواروں کی فہرست 12 اگست 2026 کو جاری کی گئی تھی۔ اس میں کل 1,271 امیدوار انٹرویو کے لیے اہل قرار پائے تھے۔ پولیس محکمہ کی جانب سے 20 اگست 2026 سے 23 اگست 2026 تک بھوپال میں انٹرویو منعقد کیا گیا۔ مدھیہ پردیش پولیس کانسٹیبل (بینڈ) بھرتی امتحان 2026 کے بینڈ ٹیسٹ اور انٹرویو کے نمبروں کو یکجا اور اپ ڈیٹ کرکے 87 فیصد مرکزی حصے، جس میں 14 فیصد او بی سی آسامیاں بھی شامل ہیں، کا حتمی امتحانی نتیجہ تیار کیا گیا ہے۔مذکورہ امتحان کے حتمی نتیجے کے تحت 87 فیصد مرکزی حصے، جس میں 14 فیصد او بی سی آسامیاں شامل ہیں، کی 591 آسامیوں کے لیے حتمی فہرست جاری کیا جانا مقرر تھا، لیکن ای ڈبلیو ایس زمرے میں مشتہر آسامیوں کے مقابلے میں کم امیدوار اہل پائے گئے۔ لہٰذا 560 آسامیوں کے لیے انتخابی فہرست جاری کی جا رہی ہے۔ یکساں نمبر حاصل کرنے والے امیدواروں کی باہمی سینیارٹی کا تعین عمر کی بنیاد پر کیا گیا ہے۔ قواعد کی کتاب میں درج التزام کے مطابق، ہوم گارڈ فوجیوں اور سابق فوجیوں کے اہل امیدوار دستیاب نہ ہونے کے سبب ان کے لیے مقررہ آسامیاں متعلقہ زمرے کے اہل اوپن امیدواروں سے پْر کی گئی ہیں۔امتحانی نتیجہ جاری ہونے کے بعد اگر کوئی تکنیکی غلطی علم میں آتی ہے تو نتیجے میں اصلاح کرنے کا حق پولیس محکمہ کے پاس محفوظ رہے گا۔ مذکورہ امتحانی نتیجہ مدھیہ پردیش کے معزز ہائی کورٹ، جبل پور میں زیرِ التوا ڈبلیو پی نمبر 34780/2026، 34308/2026 اور معزز ہائی کورٹ، گوالیار بنچ میں زیرِ التوا ڈبلیو پی نمبر 35153/2026، 36173/2026 کے حتمی فیصلے سے مشروط ہوگا۔
