لندن، 12 جولائی (یواین آئی) جولین کیش اور لائیڈ گلاسپول نے 89 سال میں ومبلڈن میں مردوں کا ڈبلز ٹائٹل جیتنے والی پہلی برطانوی جوڑی بن کر تاریخ رقم کر دی۔ اس جوڑی نے آج آسٹریلیا کے رنکی ہجیکاتا اور ڈچ کھلاڑی ڈیوڈ پیل کی غیر سیڈڈ جوڑی کو 6-2، 7-6 (7-3) سے ہرا کر اپنا پہلا گرینڈ سلیم ٹائٹل حاصل کیا۔ 28 سالہ کیش اور 31 سالہ گلاسپول 1960 میں مائیک ڈیوس اور بوبی ولسن کے بعد فائنل میں پہنچنے والی پہلی برطانوی جوڑی بن چکی تھیں۔لیکن بی بی سی کی ایک خبر کے مطابق، 1936 میں ومبلڈن میں پیٹ ہیوز اور ریمنڈ ٹکی کے بعد یہ پہلا موقع ہے جب دو برطانوی کھلاڑی کسی گرینڈ سلیم میں مردوں کے ڈبلز چیمپئن بنے ہیں۔گلاسپول نے سنسنی خیز میچ کے بعد کہا، جب آپ اسے اس طرح کہتے ہیں تو یہ ناقابل یقین لگتا ہے۔ میں نے اس کے بارے میں زیادہ نہیں سوچا تھا۔ ہم اس دن کو زندگی بھر نہیں بھولیں گے۔”
