پیرس، 27 مئی (یواین آئی) عالمی نمبر ایک ٹینس کھلاڑی جینک سنر نے فرانس کے آرتھر رینڈرکنیچ پر جیت درج کر کے ٹورنامنٹ میں اپنی مہم کا شاندار آغاز کیا۔کورٹ فلپ چیٹریئر میں پیر کو تین ماہ کے ڈوپنگ پابندی کے بعد اپنا پہلا گرینڈ سلیم میچ کھیلنے والے اٹلی کے سنر نے اپنے فرانسیسی حریف رینڈرکنیچ کو 6-4، 6-3، 7-5 سے شکست دی۔دوسرے راؤنڈ میں سنر کا مقابلہ فرانس کے تجربہ کار ٹینس کھلاڑی رچرڈ گیسکٹ سے ہوگا۔میچ کے بعد سنر نے کہا کہ پہلے راؤنڈ کے میچ کبھی بھی آسان نہیں ہوتے۔ میں خاص طور پر تیسرے سیٹ میں اس صورتحال سے نمٹنے کے طریقے سے بہت خوش ہوں۔ انہوں نے سروس کے دوران کچھ غلطیاں کیں، جس سے مجھے کچھ مدد ملی۔
