دبئی، 8 جولائی (یو این آئی) ہندوستانی اسپنر دیپتی شرما ٹی 20 کرکٹ میں نمبر 1 گیند باز بننے کے قریب پہنچ گئی ہیں۔دیپتی آئی سی سی خواتین کی ٹی20 پلیئر رینکنگ میں ٹاپ پوزیشن سے آٹھ ریٹنگ پوائنٹس دور ہیں ۔دیپتی گذشتہ چھ برسوں میں ٹی 20 گیند بازوں کی رینکنگ میں زیادہ تر ٹاپ 10 میں رہی ہیں، لیکن 27 سالہ دیپتی کبھی بھی ٹاپ پوزیشن پر نہیں آ سکی ہیں، جب کہ انہوں نے حالیہ دنوں میں شاندار کارکردگی کا مظاہرہ کیا ہے۔ٹی 20 رینکنگ میں تازہ ترین اپ ڈیٹ میں دیپتی نے ایک مقام چھلانگ لگا کر آسٹریلیا کی تیز گیند باز اینابیل سدرلینڈ کو پیچھے چھوڑ کر رینکنگ میں دوسرا مقام حاصل کیا ہے۔ دائیں ہاتھ کی یہ گیندباز اب رینکنگ میں سرفہرست پاکستان کی سعدیہ اقبال سے صرف آٹھ ریٹنگ پوائنٹ پیچھے ہیں۔دیپتی نے انگلینڈ کے خلاف ہندوستان کی پانچ میچوں کی ٹی20 سیریز کے تیسرے میچ میں تین وکٹ لینے کے بعد اپنی رینکنگ میں بہتری کی ہے۔ سیریز کے آخری دو میچوں میں کچھ عمدہ پرفارمنس کے ساتھ یہ آف اسپنر اپنے پاکستانی حریف سے ٹاپ پوزیشن چھین سکتی ہیں۔ٹیم کی ساتھی اروندھتی ریڈی بھی درجہ بندی میں ترقی کر رہی ہیں۔ اوول میں انگلینڈ کے خلاف سیریز کے سب سے حالیہ میچ میں تین وکٹیں لینے کے بعد تیز گیند باز ٹی 11 درجے چھلانگ لگا کر 20 گیندبازوں کی فہرست میں 43 ویں نمبر پر پہنچ گئی ہیں۔لندن کے مشہور گراؤنڈ میں پانچ رنز سے جیتنے کے بعد انگلینڈ کے کئی گیند بازوں نے بھی درجہ بندی میں ترقی کی ہے۔ تیز گیند باز اسی وونگ (تین درجے ترقی کر کے 57ویں نمبر پر) اور لارین فائلر (21 درجے ترقی کر کے 68ویں نمبر پر) دو سب سے بڑی چھلانگ لگانے والی گیندباز ہیں۔ وہیں فاسٹ بولر لارین بیل رینکنگ میں چوتھے نمبر پر برقرار ہیں۔
آئی سی سی کی رپورٹ کے مطابق، آسٹریلیا کی بیتھ مونی نے ٹی20 بلے بازوں کی درجہ بندی میں ٹاپ پر اپنی معمولی برتری برقرار رکھی ہے، حالانکہ انگلینڈ اور ہندوستان کے کھلاڑیوں کی جاری سیریز میں کچھ شاندار کارکردگی کے بعد ٹاپ 10 سے باہر کچھ تبدیلیاں ہوئی ہیں۔ہندوستان کی جمیمہ روڈریگس برسٹل میں سیریز کے دوسرے میچ میں نصف سنچری بنانے کے بعد دو مقام کا فائدہ اٹھا کر 12 ویں نمبر پر پہنچ گئی ہیں، جب کہ اوپنر ڈینی وائٹ ہوج اور سوفیا ڈنکلے اوول میں اپنی شاندار شراکت داری کے بعدانگلینڈ کے نقطہ نظر سے بڑی فاتح ہیں۔دونوں نے انگلینڈ کی جیت میں مدد کرنے کے لئے اچھے وقت میں ابتدائی وکٹ کے لیے 137 رنز جوڑ ے، جس کے نتیجے میں وائٹ ہوج ٹی20 بلے بازوں کی درجہ بندی میں تین درجے اوپر پہنچ کر 14ویں نمبر پر پہنچ گئیں اور ڈنکلے چار درجے کی ترقی کے ساتھ اسی فہرست میں 26ویں نمبر پر پہنچ گئیں۔
انگلینڈ کی اہم اسپنر سوفی ایکلسٹون کو بھی کچھ فائدہ ہوا ہے، جو برسٹل میں سیریز کے دوسرے میچ میں بلے کے ساتھ اپنے کیریئر کا بہترین 35 رنز بنانے کے بعد ٹی20 آئی آل راؤنڈرز کی فہرست تین درجے ترقی کے ساتھ آٹھویں نمبر پر پہنچ گئی ہیں۔
