نئی دہلی، 30 جولائی (یو این آئی) ہندوستان کو یکم سے 26 مارچ 2026 تک آسٹریلیا میں منعقد ہونے والے اے ایف سی خواتین ایشیا کپ 2026 کے لیے جاپان، ویتنام اور چینی تائپے کے ساتھ گروپ سی میں رکھا گیا ہے۔ہندوستان اپنے گروپ مرحلے کے تمام میچ پرتھ ریکٹینگولر اسٹیڈیم میں کھیلے گا۔ وہ 4 مارچ کو ویتنام کے خلاف اپنی مہم کا آغاز کریں گے، اس کے بعد جاپان اور ویتنام کے خلاف میچ ہوں گے۔سڈنی ٹاؤن ہال میں منعقدہ تقریب میں ہندوستانی مڈفیلڈر سنگیتا باسفور، آسٹریلیا کی ٹیمیکا یالوپ اور جمہوریہ کوریا کی جئون یو-گیونگ کے ساتھ تین ڈرا معاونین میں سے ایک تھیں۔کل 12 ٹیموں کو چار کے تین گروپس میں تقسیم کیا گیا ہے۔ ہر گروپ سے سرفہرست دو ٹیمیں، ساتھ ہی تیسرے نمبر پر رہنے والی دو بہترین ٹیمیں، کوارٹر فائنل کے لیے کوالیفائی کریں گی۔ ڈراسے پہلے، ہندوستان کو تازہ ترین فیفا رینکنگ کی بنیاد پر ایران اور بنگلہ دیش کے ساتھ پاٹ 4 میں رکھا گیا تھا۔بلیو ٹائیگریسز، جو تھائی لینڈ، عراق، تیمور-لیسٹے اور منگولیا پر جیت کے بعد اے ایف سی ویمنز ایشیا کپ کوالیفائر میں گروپ بی میں ٹاپ پوزیشن حاصل کی تھی، 4 مارچ 2026 کو ویتنام کے خلاف اپنی مہم کا آغاز کرے گی۔
