کالیکٹ، 08 جون (یواین آئی) پرائم والی بال لیگ (پی وی ایل) کے چوتھے سیزن کے لیے اتوار کو ہونے والی نیلامی میں تین کھلاڑی سب سے مہنگے فروخت ہوئے۔ چنئی بلٹز نے پلاٹینم کیٹیگری سے جیروم ونیت سی، کالیکٹ ہیروز نے مقامی کھلاڑی شمیم الدین، اور کوچی بلیو اسپائیکرز نے ونیت کمار کو 22.5 لاکھ روپے میں خریدا۔ آج یہاں منعقدہ نیلامی میں ملک بھر کی ٹیموں نے بڑے بڑے کھلاڑیوں کو اپنی ٹیم میں شامل کرنے کے لیے بولی لگائی۔ اس دوران چنئی بلٹز نے پلاٹینم کیٹیگری سے جیروم ونیت سی کو خریدنے کے لیے چنئی بلٹز، بنگلور ٹارپیڈوز، اور کولکتہ تھنڈر بولٹس کے درمیان سخت مقابلہ ہوا۔ آخر کار چنئی نے 22.5 لاکھ روپے کی بولی لگا کر انہیں اپنی ٹیم میں شامل کیا۔ ونیت اس سے پہلے کالیکٹ ہیروز کا حصہ تھے۔ چنئی بلٹز نے پلاٹینم کیٹیگری سے ایم اشون راج اور سمیر چودھری (رائٹ ٹو میچ کے تحت) کو آٹھ لاکھ روپے میں خریدا۔
میزبان ٹیم کالیکٹ ہیروز نے مقامی کھلاڑی شمیم الدین کو 22.5 لاکھ روپے، تجربہ کار سیٹر موہن اکراپانڈیئن (رائٹ ٹو میچ) اور سنتوش ایس کو بھی آٹھ آٹھ لاکھ روپے میں ٹیم میں شامل کیا۔ کوچی بلیو اسپائیکرز نے بھی نیلامی میں شاندار کارکردگی دکھائی۔ انہوں نے ونیت کمار کو 22.5 لاکھ روپے میں خریدا اور ان کے ساتھ امل کے تھامس کو 6.5 لاکھ روپے میں، اس کے علاوہ گولڈ کیٹیگری سے جسجودھ سنگھ کو 14.75 لاکھ روپے میں خرید کر سب کو حیران کر دیا۔ دہلی طوفانز کی ٹیم نے پلاٹینم کیٹیگری سے آیوش کو نو لاکھ روپے، گولڈ کیٹیگری میں دہلی نے جارج اینٹنی کو پانچ لاکھ اور منت چودھری کو 6.5 لاکھ روپے میں اپنی ٹیم میں شامل کیا۔ بنگلور ٹارپیڈوز نے نیلامی میں کچھ تاخیر سے حصہ لیا لیکن آتے ہی انہوں نے گولڈ کیٹیگری سے جشنو پی وی کو 14 لاکھ روپے میں خرید لیا۔ اس کے بعد جوئل بینجمن جے کو 6.5 لاکھ روپے میں، اور ایبن جوس اور روہت کمار کو پانچ پانچ لاکھ روپے میں ٹیم میں شامل کیا گیا۔ احمد آباد ڈیفنڈرز نے شون ٹی جان کو 11.5 لاکھ روپے میں رائٹ ٹو میچ کے تحت ٹیم میں برقرار رکھا۔ ان کے ساتھ انگاموتھو کو 11 لاکھ روپے اور اکھن جی ایس کو 10.5 لاکھ میں خریدا۔ حیدرآباد بلیک ہاکس نے پلاٹینم کیٹیگری سے شکھر سنگھ کو 16 لاکھ روپے میں خریدا۔
اس کے علاوہ امن کمار کو 11.5 لاکھ روپے اور دیپو وینوگوپال کو 5.75 لاکھ روپے میں ٹیم میں شامل کیا۔ممبئی میٹئیرز نے پلاٹینم کیٹیگری سے کارتک اے اور لاڈ اوم وسنت کو آٹھ آٹھ لاکھ روپے میں خریدا۔ گولڈ کیٹیگری میں انہوں نے وپل کمار (رائٹ ٹو میچ) کو 6.25 لاکھ روپے اور سونو اور نکھیل کو پانچ پانچ لاکھ روپے میں اپنی ٹیم میں شامل کیا۔ لیگ میں پہلی بار حصہ لے رہی گووا گارڈینز نے پلاٹینم کیٹیگری سے پرنس اور رام ناتھن کو آٹھ آٹھ لاکھ روپے میں خریدا۔ ان کے ساتھ امت چوکر کو پانچ لاکھ میں ٹیم میں شامل کیا گیا۔ کولکتہ تھنڈر بولٹس نے گولڈ کیٹیگری میں پنکج شرما کو چھ لاکھ روپے میں، اس کے فوراً بعد سرجن شیٹی کو پانچ لاکھ میں خریدا۔
