چنئی، 25 اپریل (یو این آئی)آئی پی ایل میں آج کھیلے گئے میچ میں سن رائزر حیدرآباد نے چنئی سپر کنگس کو پانچ وکٹ سے شکست دیدی۔ 155رن کے مقررہ ہدف کو حیدر آباد کی ٹیم نے18.4اوور میںپانچ وکٹ کے نقصان پر پورا کرلیا ۔ حیدرآباد کی طرف سے ایشان کشن نے 44اور کمندو مینڈس نے ناٹ آئوٹ 32رن بنائے۔
اس سے پہلے ہرشل پٹیل (چار وکٹ)، کپتان پیٹ کمنز اور جے دیو انادکٹ (دو دو وکٹ) کی شاندار گیند بازی کی بدولت سن رائزرس حیدرآباد نے جمعہ کو انڈین پریمیئر لیگ کے 43ویں میچ میں چنئی سپر کنگز کو 154 رنز پر روک دیا۔ آج یہاں سن رائزرس حیدرآباد کے کپتان پیٹ کمنز نے ٹاس جیت کر پہلے گیند بازی کرنے کا فیصلہ کیا۔ بلے بازی کرنے اتری چنئی سپر کنگز کی شروعات خراب رہی اور اس نے پہلے ہی اوور میں شیخ رشید (0) کا وکٹ گنوادیا۔ راشد کو محمد شامی نے آؤٹ کیا۔ اس کے بعد بلے بازی کرنے آئے سیم کرن اور آیوش مہاترے اننگ کو سنبھالنے کی کوشش کی۔ ہرشل پٹیل نے پانچویں اوور میں سیم کرن (نو) کو آؤٹ کرتے ہوئے چنئی کو دوسری کامیابی دلائی۔ اس کے بعد پیٹ کمنز نے آیوش مہاترے 19 گیندوں میں (30) کو آؤٹ کرکے پویلین بھیج دیا۔ چنئی نا چوتھا وکٹ 10ویں اوور میں رویندر جڈیجہ (21) کی صورت میں گرا۔ چنئی کو بڑے اسکور کی طرف لے جانے والے ڈیوالڈ بریوس کو ہرشل نے آؤٹ کیا۔ ڈیولڈ بریوس نے 25 گیندوں میں چار چھکوں اور ایک چوکا کی مدد سے سب سے زیادہ رنز (42) بنائے۔ شیوم دوبے (12) اور دیپک ہوڈا (22) کو جے دیو انادکٹ نے آؤٹ کیا۔ مہندر سنگھ دھونی (چھ) اور نور احمد (دو) کو ہرشل نے آؤٹ کیا۔ سن رائزرس حیدرآباد کے بولنگ اٹیک کے سامنے چنئی سپر کنگز کی پوری ٹیم 19.5 اوور میں 154 رنز پر ڈھیر ہوگئی۔ سن رائزرس حیدرآباد کے لیے ہرشل پٹیل نے چار اوور میں 28 رن دے کر چار وکٹیں حاصل کیں۔ پیٹ کمنز اور جے دیو انادکٹ کو دو دو وکٹ ملے۔ محمد شامی اور کامندو مینڈس نے ایک ایک بلے باز کو آؤٹ کیا۔
