بھوپال، 21 مئی (رپورٹر) بالاگھاٹ میونسپلٹی کی صدر انوبھا مونجارے نے اتوار کو ریاستی کانگریس صدر کمل ناتھ کے سامنے کانگریس کی رکنیت لے لی۔ وہ بالاگھاٹ سے تین بار ایم پی اور پرسوارہ سے تین بار ایم ایل اے رہنے والے کنکر منجارے کی بیوی ہیں۔ ان کے بھائی بھی ایم ایل اے رہ چکے ہیں۔ انوبھا بالاگھاٹ سے اسمبلی الیکشن لڑ سکتی ہیں۔ وہیں مورینا سے ضلع پنچایت ممبران، ابھینو جھاری اور ہردا سے دیپک سارن اپنے حامیوں کے ساتھ کانگریس میں شامل ہو گئے۔پارٹی عہدیداروں نے بتایا کہ انوبھا منجارے کے کانگریس میں شامل ہونے کی قیاس آرائیاں طویل عرصے سے کی جارہی تھیں۔ انہوں نے ریاستی کانگریس صدر کمل ناتھ اور سابق وزیر اعلیٰ دگ وجئے سنگھ سے بات چیت کی تھی۔ اس کے بعد انہوں نے بیٹے شانتنو کے ساتھ کانگریس کی رکنیت لی۔ وہ بالاگھاٹ اسمبلی حلقہ سے 2013 اور 2018 میں الیکشن لڑ چکی ہیں۔ دوسری طرف ان کے شوہر کنکر منجارے بالاگھاٹ سے ایم پی اور ضلع کے پارسوادہ حلقہ سے تین بار ایم ایل اے رہ چکے ہیں۔ ان کے بھائی اوماشنکر منجارے بھی ایک بار ایم ایل اے رہ چکے ہیں۔ بی جے پی کے سینئر لیڈر گوری شنکر بیسن بالاگھاٹ اسمبلی حلقہ سے ایم ایل اے ہیں۔
