بھوپال 29ستمبر: وزیر اعلیٰ ڈاکٹر موہن یادو نے کہا کہ ان کی حکومت پرائیویٹ اسکولوں میں پڑھنے والے تمام کلاسوں کے ہر چوتھے بچے کی فیس ادا کر رہی ہے۔ ریاستی حکومت نے بچوں کے روشن مستقبل کو یقینی بنانے کے لیے اگلے سیشن سے حق تعلیم ایکٹ سے مستفید ہونے والے نجی اسکولوں کے طلبہ کو نصابی کتابیں اور بیگ فراہم کرنے کا وعدہ کیا ہے۔ وزیر اعظم مسٹر نریندر مودی کی رہنمائی میں ملک ترقی کر رہا ہے۔ مدھیہ پردیش اب سب سے تیزی سے ترقی کرنے والی ریاستوں میں سے ایک کے طور پر پہچانا جاتا ہے۔ ریاستی حکومت نے ریاست بھر میں سندیپانی اسکول قائم کیے ہیں۔ ریاستی حکومت طلباء کو اسکول سے لے کر اعلیٰ تعلیم تک ہر ممکن تعاون فراہم کر رہی ہے۔ سرکاری سکولوں کے طلباء کو مفت سائیکلیں، یونیفارم اور کتابیں مل رہی ہیں۔ اسکول میں پہلے نمبر پر آنے والے طلبا کو اسکوٹر کے ساتھ حوصلہ افزائی کی جاتی ہے، اور 75فیصد نمبر لانے والوں کو لیپ ٹاپ دیے جاتے ہیں۔ مدھیہ پردیش کے تعلیمی نظام میں انقلابی تبدیلی آئی ہے۔ بچوں کو بہتر تعلیم فراہم کرنا ان کے مستقبل کو یقینی بنانے کی کلید ہے۔ بچوں کو چاہیے کہ وہ اپنا مستقبل سنواریں اور محب وطن شہری بنیں، ڈاکٹر، انجینئر، استاد بنیں اور سماجی اور سیاسی میدانوں میں بھی اپنا کردار ادا کریں۔
وزیر اعلیٰ ڈاکٹر یادو پیر کو ہردا ضلع کے کھرکیا میں حق تعلیم ایکٹ کے تحت ایک ریاستی سطح کے پروگرام سے خطاب کر رہے تھے، جس میں سنگل کلک سے 20,652 غیر سرکاری اسکولوں میں 489 کروڑ روپے منتقل کیے گئے۔ وزیر اعلیٰ ڈاکٹر یادو نے 72 کلو میٹر لمبی آشاپور-ہردا سڑک کی تعمیر کا بھی اعلان کیا۔ مرکزی وزیر مملکت مسٹر درگا داس اوئیکے، ریاستی اسکولی تعلیم کے وزیر مسٹر ادے پرتاپ سنگھ اور سابق وزیرمسٹر کمل پٹیل بھی موجود تھے۔
وزیر اعلیٰ ڈاکٹر یادو نے کہا کہ ریاستی حکومت نے اپنے وعدوں کو پورا کیا ہے۔ کسانوں کی فلاح و بہبود کے لیے ہر ممکن کوشش کی جا رہی ہے۔کسانوں کو گیہوں کی پیداوار پر 175روپے کا بونس دستیاب کراکر انہیں گیہوں کی 2600روپے فی کوئنٹل کی قیمت دلائی گئی ہے۔ اب بھائو انتر یوجنا نافذ کرتے ہوئے ریاست کے سویابین پیداکرنے والے ہر کسان کو فی کوئنٹل 5328روپے معاون قیمت دلوانے کے لئے ریاستی حکومت پرعزم ہے۔ ریاستی حکومت نے مونگ اور دھان کے کاشتکاروں کے لیے مناسب قیمتوں کو بھی یقینی بنایا ہے۔ ہردا میں ہولناک دھماکہ خیز حادثہ کو یاد کرتے ہوئے وزیر اعلیٰ ڈاکٹر یادو نے کہا کہ حکومت اور انتظامیہ نے اس مشکل صورتحال میں فوری ردعمل ظاہر کیا اور متاثرہ لوگوں کو راحت اور بچاؤ فراہم کرنے کے لئے ہر ممکن انتظامات کئے۔ اب، ریاستی حکومت نے بیماروں اور زخمیوں کو فوری طور پر اسپتال پہنچانے کے لیے پی ایم شری ایئر ایمبولینس سسٹم شروع کیا ہے۔ ریاستی حکومت مشکل حالات میں ضرورت مندوں کو فوری مدد فراہم کرنے کے لیے حساس ہے
