دیوریا، 29 مارچ (یو این آئی) بھارتیہ جنتا پارٹی (بی جے پی) کے سینئر لیڈر، سابق مرکزی وزیر اور سابق گورنر کلراج مشرا نے کہا ہے کہ وقف بورڈ بل کو سیاسی رنگ دے کر فرقہ وارانہ کشیدگی پیدا کرنے کی کوشش ملک کے لیے خطرناک ہے۔ہفتہ کو اتر پردیش کے دیوریا میں بی جے پی کے سینئر لیڈرمسٹر مشرا نے یو این آئی سے بات کرتے ہوئے کہا، ” مجھے لگتا ہے کہ وقف بورڈ کا جوبل لایا جا رہا ہے۔ اپوزیشن پارٹیاں اسے ایک مذہب کا بل سمجھ کر اس پر سیاست کرنے کی کوشش کر رہی ہیں۔ اپوزیشن جماعتیں اسے سیاسی طور پر حوصلہ افزائی کے طور پر دیکھ رہی ہیں۔”” انہوں نے کہا کہ حقیقت یہ ہے کہ یہ مذہب بل نہیں ہے۔ قانون میں بہتری لانے کے لیے ہمیشہ بل پیش کیے جاتے رہے ہیں اور وقتاً فوقتاً قانون میں ترامیم بھی کی جاتی رہی ہیں۔ یہ بل اسی عمل کے تحت پیش کیا گیا ہے۔ اس میں ایسی ترامیم ہیں جو وقف بورڈ کے لیے فائدہ مند ہیں۔ انہوں نے کہا کہ بدقسمتی کی بات ہے کہ اس کا مکمل مطالعہ کیے بغیر اسے جان بوجھ کر سیاسی رنگ دیا جا رہا ہے۔انہوں نے کہا کہ بل میں جو مسئلہ متنازعہ ہے اسے نمایاں رکھا جائے۔ بل میں کیا کیا آنا چاہیے، اس پر ےتجاویز آنی چاہیے ۔ بل کے بائیکاٹ کا کوئی جواز نہیں ہے، یہ سماج کے مفاد کے لیے لایا جا رہا ہے۔ انہوں نے کہا کہ اگر بل میں کوئی خامی نظر آتی ہے تو اسے بحث کے ذریعے پیش کیا جاناچاہیے۔
یہ بل معاشرے میں اصلاحات لانے کے مقصد سے لایا جا رہا ہے۔ یہ بل وقف بورڈ کے لیے فائدہ مند ہے۔
