بھوپال:12؍جنوری:وزیر اعلیٰ ڈاکٹر موہن یادو 13 جنوری کو شام 6 بجے کھیلو ایم پی یوتھ گیمز کا باقاعدہ افتتاح کریں گے۔ واٹر اسپورٹس اکیڈمی، بوٹ کلب، بڑا تالاب بھوبال میں واٹر پروجیکشن، لیزر شو، شاندار آتش بازی اور شیفالی الواریس و دیویا کمار کی ثقافتی پیشکش کے ساتھ کھیلوں کا شاندار آغاز ہوگا۔وزیرکھیل اور نوجوان بہبود مسٹر وشواس کیلاش سارنگ نے پیر کے روز مقامِ انعقاد پر پہنچ کر انتظامات کا جائزہ لیا اور پولیس و ضلع انتظامیہ کے افسران کو ضروری ہدایات دیں۔
ملک میں پہلی بار کھیل محکمہ اور کھیل تنظیموں کے مشترکہ اشتراک سے انعقاد
وزیر مسٹر سارنگ نے بتایا کہ کھیلو ایم پی یوتھ گیمز ملک میں پہلی بار کھیل محکمہ اور تمام تسلیم شدہ کھیل فیڈریشنز کے مشترکہ تعاون سے منعقد کیے جا رہے ہیں۔ جھیلوں کے شہر بھوبال سے مدھیہ پردیش کے سب سے بڑے کھیل مہاکمبھ کا شاندار افتتاح ہوگا، جس میں بھوبال کے تالابوں کی خوبصورتی کو جیتے جاگتے انداز میں پیش کیا جائے گا۔
مقابلے چار مراحل میں ہوں گے: بلاک، ضلع، ڈویزن اور ریاست سطحی
وزیر مسٹرسارنگ نے بتایا کہ افتتاحی تقریب میں کھیلو ایم پی یوتھ گیمزکا لوگو، ٹی شرٹ، ٹارچ، ترانہ (اینثم) اور ماسکوٹ لانچ کیا جائے گا۔ مقابلے 31 جنوری تک منعقد ہوں گے۔یہ مقابلے بلاک، ضلع، ڈویزن اور ریاستی سطح پر منعقد کیے جائیں گے، جن میں تقریباً ڈیڑھ لاکھ کھلاڑی حصہ لیں گے۔ شاندار کارکردگی دکھانے والے کھلاڑیوں کو ریاستی ٹیم کے انتخاب میں ترجیح دی جائے گی۔
وزیر مسٹر سارنگ نے بتایا کہ ریاستی سطح پر فاتح کھلاڑیوں کو تقریباً 4 کروڑ روپے کی انعامی رقم دی جائے گی۔ پہلا انعام: 31ہزار روپے، دوسرا انعام: 21 ہزار روپے، تیسرا انعام: 11 ہزار روپے،انتخابی عمل بلاک سطح سے شروع ہوگا۔ بلاک سطح: 13 تا 16 جنوری،ضلع سطح: 16 تا 20 جنوری، ڈویزن سطح: 21 تا 25 جنوری، ریاستی سطح: 28 تا 31 جنوری۔
28 کھیلوں کے مقابلے منعقد ہوں گے
وزیر مسٹرسارنگ نے بتایا کہ کھیلو ایم پی یوتھ گیمز-2025 میں کل 28 کھیلوں کے مقابلے منعقد کیے جائیں گے۔ بہتر تال میل کے لیے کھیل فیڈریشنز کے ساتھ محکمہ کی جانب سے رابطہ افسر مقرر کیے گئے ہیں۔ افتتاح اور اختتامی تقاریب میں کھیلوں کے شائقین کو مدعو کیا جائے گا اور قومی کھیل فیڈریشنز کے نمائندے بطور مہمان شریک ہوں گے۔ جن علاقوں میں جس کھیل کی روایت اور مقبولیت ہے، وہیں اس کھیل کا انعقاد کیا جائے گا۔
ریاست کے 313 بلاکس کی شرکت
وزیر مسٹر سارنگ نے بتایا کہ ریاستی سطح کے مقابلے بھوبال، اندور، اجین، جبل پور، ریوا، شیوپوری، گوالیار، ساگر اور نرمداپورم میں منعقد کیے جائیں گے۔ بلاک سطح سے انتخاب کے عمل میں ریاست کے 313 ترقیاتی بلاکس شریک ہوں گے۔ریاستی سطح پر مدھیہ پردیش کے 10 ڈویزن — بھوبال، اندور، جبل پور، گوالیار، اجین، ساگر، ریوا، چمبل، نرمداپورم اور شہڈول — کی ٹیمیں حصہ لیں گی۔
تین مراحل میں 11 کھیل، چار مراحل میں 10 کھیل
وزیر مسٹرسارنگ نے بتایا کہ تین مراحل (بلاک، ضلع، ریاست) میں 11 کھیلوں کے مقابلے ہوں گے، جن میں ہاکی، باکسنگ، ایتھلیٹکس، کھو-کھو، تیراکی، ٹیبل ٹینس، مَلّکھمب، کشتی، جوڈو، شطرنج اور ویٹ لفٹنگ شامل ہیں۔چار مراحل (بلاک، ضلع، ڈویزن، ریاست) میں 10 کھیلوں کے مقابلے ہوں گے، جن میں فٹبال، والی بال، کرکٹ، بیڈمنٹن، پِٹّو، باسکٹ بال، ٹینس، یوگاسن، رسہ کشی اور کبڈی شامل ہیں۔آرچری، تائیکوانڈو، کیاکنگ-کینوئنگ، روئنگ، فینسنگ، شوٹنگ اور تھرو بال کے مقابلے براہِ راست ریاستی سطح پر منعقد ہوں گے۔
مختلف کھیلوں کے لیے مختلف مقامات
وزیر مسٹر سارنگ نے بتایا کہ مختلف کھیل مختلف شہروں میں منعقد ہوں گے: بھوبال: ایتھلیٹکس، فینسنگ، باکسنگ، مردوں کا کرکٹ، روئنگ، کیاکنگ، تیراکی، شوٹنگ، مردوں کی ہاکی، تھرو بال۔ اندور: باسکٹ بال، ویٹ لفٹنگ، ٹیبل ٹینس، ٹینس، تیراکی۔ شیوپوری : خواتین کرکٹ۔گوالیار: خواتین ہاکی، بیڈمنٹن، پِٹّواجین: مَلّکھمب، یوگاسن، کبڈی، رسہ کشی، کشتی۔ جبل پور: کھو-کھو، آرچری۔ ریوا : فٹبال۔ نرمداپورم: شطرنج، تائیکوانڈو۔ ساگر: جوڈو ۔وزیر مسٹرسارنگ نے کہا کہ کھیلو ایم پی یوتھ گیمزریاست کے ابھرتے ہوئے کھلاڑیوں کو اپنی صلاحیتوں کے اظہار کا بہترین موقع فراہم کریں گے اور مدھیہ پردیش کو کھیلوں کے میدان میں نئی بلندیوں تک پہنچانے میں اہم کردار ادا کریں گے۔
