بھوپال 2جنوری۔ ڈرائیوروں کی ہڑتال کا اثر راجدھانی بھوپال میں بھی نظر آرہا ہے۔ اگرچہ انتظامیہ دعویٰ کر رہی ہے کہ سب کچھ ٹھیک ہے لیکن لوگ ضروری چیزوں کو لے کر پریشان نظر آئے۔ کلکٹر آشیش سنگھ سمیت ضلع کے تمام اعلیٰ افسران سامان کی فراہمی میں سرگرم رہے۔
ہٹ اینڈ رن سے متعلق نئے قانون کے خلاف ڈرائیوروں کی جاری ہڑتال منگل کو بھی جاری رہی۔ جس کی وجہ سے ٹرک، مسافر بس، لو فلور بس، منی بس، میجک، اسکول بس، ٹینکر جیسی تمام گاڑیوں کے پہیے لگاتار دوسرے دن بھی تھمے رہے۔ جس کی وجہ سے پھل، سبزیاں، اسکول، پیٹرول ڈیزل، دودھ، دفتر آنے جانے کے تمام انتظامات درہم برہم ہوگئے۔
یہاں، شہر کے مکین صبح 6 بجے سے ہی پٹرول کے لیے پمپوں پر قطار میں کھڑے نظر آئے۔ والدین کو خود اپنے بچوں کو اسکول چھوڑنا پڑا۔ اتنا ہی نہیں کئی اسکولوں میں چھٹی کا اعلان کر دیا گیا۔ کلکٹر آشیش سنگھ سمیت ضلع کے تمام اعلیٰ افسران سامان کی فراہمی میں سرگرم رہے۔
بھوپال میں میجک جیسی لو فلور بسوں اور مسافر گاڑیوں کے بند ہونے کی وجہ سے لوگ اپنے دو پہیہ وہیکل پر اپنے کام کی جگہوں پر گئے ۔دارالحکومت سے متصل صنعتی شہر منڈی دیپ جانے والی سڑک پر عام دنوں کے مقابلے کئی گنا زیادہ دو پہیہ گاڑیاں دیکھی گئیں۔ لوگوں کو مہنگے کرایہ ادا کرکے آٹو اور الیکٹرک گاڑیوں میں سفر کرنا پڑ رہا ہے۔ یہاں، ضلع انتظامیہ کا دعویٰ ہے کہ بھوپال میں پیٹرول اور ڈیزل کی کوئی کمی نہیں ہے، لیکن سوکھے پیٹرول پمپ اور گاڑیوں کو دھکیلتے لوگوں کی حالت کچھ اور ہی بتا رہی ہے۔ بہت سے پمپس نے موقع کا فائدہ اٹھاتے ہوئے 160 روپے فی لیٹر پر پریمیم پیٹرول فروخت کیا اور دعویٰ کیا کہ عام پیٹرول دستیاب نہیں ہے۔
راجدھانی میں انتظامیہ کی مدد سے ڈپووں سے ڈیزل پیٹرول بھرا گیا اور رات دیر گئے کئی پیٹرول پمپس پر پہنچایا گیا۔ بھوپال کے کلکٹر آشیش سنگھ نے خود ضلعی افسران کے ساتھ اس کی قیادت کی۔ انہوں نے ڈپو اور سانچی دودھ پلانٹ کا معائنہ کیا اور انتظامات کا جائزہ لیا۔
ہڑتال تین روز تک جاری رہے گی۔
اسی طرح پولیس اور انتظامیہ کی مداخلت کے بعد شہر میں دودھ، سبزیاں، اشیائے خوردونوش اور دیگر ضروری اشیاء کے ٹریکس لائے گئے۔ ڈرائیوروں کی ہڑتال کے باعث پیٹرول اور ڈیزل سمیت اشیائے ضروریہ کی سپلائی بھی متاثر ہوئی۔ پیر کی طرح منگل کو بھی صبح سے ہی پٹرول پمپ پر گاڑیوں کی لمبی قطاریں لگ گئیں۔ ہڑتالی ڈرائیوروں کے مطابق ہڑتال صرف تین دن تک چلے گی، اس وجہ سے دیہات اور دیگر شہروں میں آنے والے سامان کی سپلائی بھی متاثر ہو رہی ہے۔ یہاں تک کہ کئی جگہوں پر دودھ اور گروسری کی اشیاء بھی نہیں پہنچائی جا رہی ہیں۔
