نئی دہلی، 20 مارچ (یواین آئی)کھیلوں کے مرکزی وزیر ڈاکٹر منسکھ مانڈویہ نے جمعرات کو اندرا گاندھی اسٹیڈیم کمپلیکس کے کے ڈی جادھو انڈور ہال میں آٹھ دنوں تک چلنے والے دوسرے کھیلوں انڈیا پیرا گیمز 2025 کا افتتاح کرتے ہوئے کہا کہ اس مقابلے کے ذریعے ہمارے اتھلیٹس کو بہترین مواقع مل رہے ہیں۔آج یہاں منعقد ہونے والی تقریب میں چھ پیرا اولمپین – سمرن شرما (ایتھلیٹکس)، پروین کمار (بیڈمنٹن)، نیتیش کمار (بیڈمنٹن)، نیتا سری (بیڈمنٹن) اور پریتی پال (ایتھلیٹکس)کھیلوں کے مرکزی وزیر منسکھ مانڈویہ ، سماجی انصاف و تفویض اختیارات کے وزیر ڈاکٹر ویرندر کمار، اروناچل پردیش کے کھیل کے وزیر کینتو جینی اور ہندوستانی پیرا اولمپک کمیٹی کے صدر اور سابق پیرا اولمپین دیوندر جھاجھریا کے ساتھ کھیلوں انڈیا پیرا گیمز 2025 کو باقاعدہ طور پر ہری جھنڈی دکھانے کے لیے ایک منفرد مشعل ریلی میں شامل ہوئے۔ اس چیمپئن شپ میں چھ کھیلوں کی اقسام میں 1300 سے زیادہ پیرا اتھلیٹس حصہ لے رہے ہیں۔
