بھوپال:24؍جون:مدھیہ پردیش پولیس پیشہ ورانہ، حساس اور عوام دوست پولیسنگ کو مضبوط بنانے کے لیے اپنے انسانی وسائل کی صلاحیتوں کی ترقی پر مسلسل کام کر رہی ہے۔ اسی سلسلے میں مدھیہ پردیش پولیس اکیڈمی کے احاطے میں واقع پولیس ٹریننگ اسکول (PTS)، بھوری، بھوپال میں 23 جون کو پانچویں نئے کانسٹبل بیچ کے 572 نئے کانسٹبلس کے بنیادی تربیتی سیشن کا آغاز پولیس ڈپٹی انسپکٹر جنرل (دیہی)، بھوپال راجیش سنگھ چندیل کی مہمان خصوصی میں ہوا۔ اس بیچ میں 449 خواتین اور 123 مرد نئے کانسٹبل شامل ہیں، جو پولیس فورس میں خواتین کی بڑھتی ہوئی شمولیت اور مضبوط موجودگی کو بھی ظاہر کرتا ہے۔مدھیہ پردیش پولیس اکیڈمی کی رہنمائی میں چلنے والا یہ تربیتی سیشن نئے کانسٹبلوںکو جسمانی فٹنس، قانونی علم، پولیسنگ مہارت، تکنیکی سمجھ، قیادت کی صلاحیت اور عوامی خدمت کی بنیادی اقدار سے روشناس کرائے گا۔ تربیت کے دوران انہیں بدلتے ہوئے جرائم کے رجحانات، سائبر جرائم، خواتین اور بچوں کے تحفظ، کمیونٹی پولیسنگ اور شہری مرکزیت پولیسنگ کے مختلف پہلوؤں کا عملی تربیت بھی فراہم کی جائے گی تاکہ وہ جدید چیلنجوں کے مطابق مؤثر، حساس اور عوام دوست پولیسنگ کے لیے تیار ہو سکیں۔پروگرام میں ڈپٹی ڈائریکٹر مدھیہ پردیش اکیڈمی، بھوپال ڈاکٹر سنجے کمار اگروال، اسسٹنٹ ڈائریکٹر ٹریننگ رشمی پانڈے، ڈپٹی پولیس سپرنٹنڈنٹ مسٹرنیرج نامدیو، راجیو ترپاٹھی، اے ڈی پی او شریمتی سچترا ورما ، جتیندر اگنی ہوتری سمیت مدھیہ پردیش پولیس اکیڈمی اور پولیس ٹریننگ اسکول کے سینئر افسران اور ملازمین موجود تھے۔
