سولو، 26 جولائی (یو این آئی) بیڈمنٹن ایشیا جونیئر انفرادی چیمپئن شپ 2025 میں ہندوستان کی شاندار مہم تنوی شرما اور وینالا کلاگوٹلہ کے ذریعہ خواتین کے سنگلز زمرے میں کانسے کے تمغے جیتنے کے ساتھ ختم ہوئی۔ یہ ہندوستان کے لیے ایک تاریخی پہلا موقع تھا، کیونکہ اس مقابلے کے ایک ہی ایڈیشن میں دو خواتین سنگلز شٹلرز پوڈیم پر پہنچی تھیں۔ایک سنسنی خیز سیمی فائنل میں، وینالا کلاگوٹلہ نے چین کی لیو سی یا کے خلاف بہادری سے مقابلہ کیا۔ دوسرے گیم میں 15-20 سے پیچھے رہنے کے بعد، نوجوان ہندوستانی کھلاڑی نے تین میچ پوائنٹ بچا کر اسکور 18-20 کر دیا، لیکن آخری لمحات میں ایک اہم غلطی کی وجہ سے لیو نے مقابلہ 21-15، 21-18 سے جیت لیا۔دوسری کورٹ پر دوسری سیڈ تنوی شرما کا مقابلہ آٹھویں سیڈ چین کی ین یی کنگ سے ہوا۔ پہلا گیم 13-21 سے ہارنے کے بعد تنوی نے دوسرے گیم میں زبردست واپسی کرتے ہوئے 6-1 کی برتری حاصل کرلی۔ تاہم، ین نے واپسی کرتے ہوئے اسکور کو 8-8 سے برابر کرلیا اور پھر 21-13، 21-14 سے کامیابی حاصل کی۔ تنوی کو کانسے کے تمغے پر اکتفا کرنا پڑا۔یہ ایونٹ ایک تاریخی حصولیابی ہے جو ملک کے جونیئر شٹلرز کی تیز رفتار ترقی کی عکاسی کرتی ہے۔
