بھوپال، 29 مئی:بھوپال کے بیرا گڑھ سرکل میں تعینات نائب تحصیلدار رتی رام اہیروار پر ایک خاتون نے سیاہی پھینک دی۔ خاتون زمین کے تنازعہ کے معاملے میں دفتر آئی تھی۔یہ واقعہ جمعرات کی شام 4.30 بجے پیش آیا۔ اس وقت نائب تحصیلدار دفتر میں اپنا کام ختم کر رہے تھے۔ اس کے بعد ایک خاتون دفتر پہنچی اور ہنگامہ کھڑا کردیا۔ کوہ فضا پولیس نے خاتون کو حراست میں لے لیا ہے۔نائب تحصیلدار اہیروار نے بتایا کہ خاتون اپاسنا جیولر ہے۔ نشاط پورہ میں مکان پر قبضے کا معاملہ ہے۔ کوئی کارروائی نہیں کرنے کے حوالے سے ہائی کورٹ کی جانب سے حکم امتناعی موجود ہے۔ ہائی کورٹ کے حکم کی وجہ سے اس پر پابندی ہے۔ خاتون نے کارروائی کا مطالبہ کیا۔ آج شام میں دفتر میں عملے کے ساتھ کام ختم کر رہا تھا۔ تبھی وہ سیاہی کی بوتل لے کر آئی۔ ہم شیشی نہیں دیکھ سکے۔ بات کرتے کرتے وہ غصے میں آگئی اور کہنے لگی کہ آپ لوگوں کا منہ کالا کرنا چاہئے۔ اس کے بعد اس نے سیاہی پھینک دی۔
