نئی دہلی، 19 اگست (یو این آئی ) قازقستان کے شمکنت میں منعقد ہونے والی 16ویں ایشین شوٹنگ چیمپئن شپ رائفل/پستول/شاٹ گن کے دوسرے دن، دو مرتبہ کی اولمپک کانسی کا تمغہ جیتنے والی منو بھاکر نے اپنے کیریئر میں شاندار مظاہرہ کرتے ہوئے ایک اور انفرادی بین الاقوامی تمغہ حاصل کیا۔ رشمیکا سہگل نے گولڈ میڈل جیتا، یہ ہندوستان کا تیسرا انفرادی گولڈ میڈل ہے۔منونے خواتین کے 10 میٹر ایئر پسٹل فائنل میں 219.7 کا سکور کیا اور تیسرا مقام حاصل کیا۔ اس کے بعد رشمیکا نے پراعتماد کارکردگی کے ساتھ جونیئر خواتین کا ایئر پسٹل ٹائٹل جیتا – ان کا اسکور 241.9 تھا، جو سلور میڈلسٹ کورین ہان سیونگھون سے 4.3 پوائنٹ زیادہ تھا۔درحقیقت، یہ رشمیکا (کوالیفیکیشن اسکور 582) کے لیے دوہری خوشی تھی کیونکہ انہوں نے ونشیکا چودھری (573) اور موہنی سنگھ (565) کے ساتھ مل کر ایونٹ میں ٹیم گولڈ میڈل جیتا۔منو (583) نے ایشین گیمز کی موجودہ چیمپئن پلک (573) اور سروچی پھو گاٹ (574) کے ساتھ خواتین کے ایئر پسٹل میں ٹیم کانسی کا تمغہ بھی جیتا، دونوں ہی بالترتیب تین اور دو پوائنٹس سے انفرادی فائنل میں جگہ بنانے سے محروم رہیں۔جونیئر خواتین کے فائنل میں، رشمیکا شروع سے ہی کوریا کی ہان کے ساتھ برتری کی جنگ میں شامل تھیں۔ تاہم، وہ 13ویں سنگل شاٹ کے بعد پہلی بار ان سے آگے نکلیں اور اس کے بعد کبھی پیچھے مڑ کر نہیں دیکھا۔ پیر کے بعد سے، ہندوستان نے سینئر مردوں اور خواتین دونوں زمروں میں 10 میٹر ایئر پسٹل مقابلوں میں ایک انفرادی کانسی، ایک ٹیم چاندی اور ایک ٹیم کانسی کا تمغہ جیتا ہے۔ ایونٹ میں انفرادی جونیئر طلائی تمغے بھی جیتے ہیں، جس میں بنسالہ پیر کو پہلے نمبر پر رہے، اور رشمیکا سہگل منگل کو دوسری پوزشن پر رہیں ۔مجموعی طور پر ہندوستان نے اب تک تمام مقابلوں میں پانچ گولڈ، دو چاندی اور چار کانسی کے تمغے جیتے ہیں۔
