حیدرآباد، 12 اپریل (یو این آئی) آئی پی ایل میں آج کھیلے گئے دوسرے میچ میں حیدرآباد نے پنجاب کے خلاف 246رن کا تعاقب کرتے ہوئے 16.4اوور میں دو وکٹ کے نقصان پر 223رن بنالئے تھے۔حیدرآباد کی طرف سے ابھیشیک شرما نے 53گیندوں پر دھواں دھار 141رن بنائے۔ کپتان شریس ایر (82)، پربھسمرن سنگھ (42) اور پریانش آریہ (36) کی جارحانہ بلے بازی کی بدولت پنجاب کنگز نے انڈین پریمیئر لیگ (آئی پی ایل) کے 27ویں میچ میں سن رائزرس حیدرآباد کو جیت کے لیے 246 رنز کا ہدف دیا۔یہاں آج پنجاب کنگز کے کپتان شریاس ایر نے ٹاس جیت کر پہلے بلے بازی کا فیصلہ کیا۔ پریانش آریہ اور پربھسمرن سنگھ کی پنجاب کی اوپننگ جوڑی نے دھماکہ خیز بلے بازی کی اور پہلی وکٹ کے لیے 66 رنز جوڑے۔ ہرشل پٹیل نے چوتھے اوور میں پریانش آریہ کو آؤٹ کرکے اس شراکت کو توڑا۔ پریانش آریہ نے 13 گیندوں میں دو چوکوں اور چار چھکوں کی مدد سے 36 رنز بنائے۔ اس کے بعد ساتویں اوور میں ایشان ملنگا نے پربھسمرن سنگھ کو آؤٹ کرکے حیدرآباد کو دوسری کامیابی دلائی۔ پربھسمرن سنگھ نے 23 گیندوں پر سات چوکوں اور ایک چھکے کی مدد سے 42 رن بنائے۔ نہال وڈھیرا (27) کو بھی ملنگا نے آؤٹ کیا۔ ششانک سنگھ (دو) اور گلین میکسویل (تین) ہرشل کا شکار ہوئے۔ کپتان شریس ایئر نے 36 گیندوں پر چھ چوکے اور چھ چھکے لگا کر 82 رنز کی طوفانی اننگز کھیلی۔ انہیں 18ویں اوور میں ہرشل نے آؤٹ کیا۔ پنجاب کنگز نے مقررہ 20 اوورز میں چھ وکٹوں پر 245 رنز بنائے۔ مارکس اسٹونیس نے 11 گیندوں میں چار چھکوں اور ایک چوکے کی مدد سے 34 رنز پر ناٹ آؤٹ رہے۔ مارکو جانسن پانچ رن بناکر ناٹ آؤٹ رہے۔سن رائزرس حیدرآباد کی جانب سے ہرشل پٹیل نے چار وکٹیں حاصل کیں۔ ایشان ملنگا نے دو بلے بازوں کو آؤٹ کیا۔
