جے پور، 14 جنوری (یو این آئی) پرو کبڈی لیگ 2023-24 کے 70ویں میچ میں مائیٹی منیندر سنگھ کے 14 پوائنٹس کی قیادت میں بنگال واریئرز نے یوپی یودھاس کو 42-37 سے شکست دی۔سوائی مان سنگھ (ایس ایم ایس) انڈور اسٹیڈیم، جے پور میں ہفتہ کی رات کھیلے گئے میچ میں یوپی یودھا کے پردیپ نے 16 پوائنٹس بنائے لیکن وہ اپنی ٹیم کو فتح سے ہمکنار نہیں کر سکے۔ اس کے ساتھ بنگال واریئرز 12 میچوں میں پانچویں جیت کے بعد 33 پوائنٹس کے ساتھ ساتویں نمبر پر پہنچ گئی ہے۔ وہیں یوپی یودھاس کی 13 میچوں میں نویں شکست کے بعد ٹیم 10 ویں نمبر پر ہے۔بنگال واریئرس اور یوپی یودھاس کے درمیان ابتدائی منٹوں میں سخت مقابلہ دیکھنے کو ملا۔ دونوں ٹیمیں ابتدائی طور پر 6-6 سے برابر تھیں۔ اس کے بعد بنگال نے لگاتار پوائنٹس بنائے اور کھیل کے پہلے 10 منٹ میں چار پوائنٹس کی برتری حاصل کی اور اسکور 11-7 کردیا۔بنگال واریئرس کے پاس یوپی یودھاس کو آل آؤٹ کرنے کا موقع تھا لیکن ٹیم اس کا فائدہ نہیں اٹھا سکی۔ تاہم، منیندر نے اس عرصے کے دوران 100 ریڈ پوائنٹس مکمل کرلیے اور اس کے ساتھ ہی وہ ایسا کرنے والے تیسرے کھلاڑی بن گئے۔ منیندر نے یوپی کو 13ویں منٹ میں سپر ریڈ کے ساتھ آل آؤٹ کے دہانے پر پہنچا دیا۔ یوپی یودھاس آل آؤٹ ہوئے اور بنگال نے سات پوائنٹس کی برتری کے ساتھ اسکور کو 17-10 کردیا۔ آل اِن ہونے کے بعد، پردیپ نے 15 ویں منٹ میں ایک سپر ریڈ کی اور یوپی یودھاس نے دوبارہ میچ میں واپسی آنے لگی۔ بنگال کی ٹیم سات پوائنٹس سے آگے تھی۔ واریئرز نے کھیل کے پہلے 20 منٹ میں بھی 21-14 کے اسکور کے ساتھ اپنا تسلط برقرار رکھا۔یوپی یودھا نے دوسرے ہاف کی شروعات منیندر کو باہر بھیج کر کی۔ یوپی یودھاس نے پھر بنگال واریئرز کو آل آؤٹ کیا اور تین پوائنٹس حاصل کیے۔ آل آؤٹ ہونے کے بعد بنگال کی برتری صرف چار پوائنٹس رہ گئی۔ پردیپ نے اس کے ساتھ ہی اس سیزن کا اپنا پانچواں اور پی کے ایل کا 84 واں سپر 10 لگا دیا۔
پردیپ کے بعد منیندر نے بھی اپنا سپر 10 مکمل کرلیا۔ 25ویں منٹ تک بنگال کی ٹیم پانچ پوائنٹس سے آگے تھی۔واریئرز نے اس برتری کو 30ویں منٹ تک برقرار رکھا اور ٹیم نے 35ویں منٹ تک اسے بڑھا کر سات پوائنٹس کر دیا۔ لیکن یوپی یودھاس نے آخری منٹوں میں واپسی شروع کردی۔ 38ویں منٹ میں یوپی یودھاس نے بنگال واریئرز کو آل آؤٹ کرکے میچ کو دلچسپ بنا دیا۔ بنگال کو آخری لمحات میں تین پوائنٹس کی برتری حاصل تھی اور ٹیم نے اسے برقرار رکھتے ہوئے 42-37 کے اسکور کے ساتھ میچ جیت لیا۔
