میامی گاڈرس :15؍جولائی :ارجنٹینا نے ریکارڈ 16ویں مرتبہ کوپا امریکہ فٹبال کپ کا ٹائٹل اپنے نام کیا ہے۔ میامی کے ہارڈ راک اسٹیڈیم میں کھیلے گئے فائنل میں ارجنٹائن نے کولمبیا کو 1-0 سے شکست دی۔مقررہ 90 منٹ کے کھیل میں سکور 0-0 رہا۔ میچ اضافی وقت میں چلا گیا۔ اضافی وقت کے پہلے ہاف میں بھی دونوں ٹیمیں گول نہ کر سکیں۔ آخر کار میچ کے 112ویں منٹ میں لاؤٹارو مارٹنیز نے ارجنٹائن کی جانب سے گول کر دیا۔ یہ برتری آخر تک برقرار رہی اور لیونل میسی کی کپتانی والی ٹیم میچ 1-0 سے جیت کر چیمپئن بن گئی۔کوپا امریکہ میں ارجنٹینا کایہ مسلسل دوسراخطاب ہے۔ اس سے قبل 2021 میں ٹیم نے فائنل میں برازیل کو شکست دی تھی اور 23 سال قبل 2001 میں فائنل کھیلا تھا اور اس کی میزبانی میں چیمپئن بنی تھی۔میسی میچ کے 36ویں منٹ میں زخمی ہو گئے۔ہاف ٹائم تک اسکور 0-0 رہا۔ اگرچہ ارجنٹینا اور کولمبیا دونوں کو مواقع ملے لیکن کوئی بھی ٹیم برتری حاصل کرنے میں کامیاب نہ ہو سکی۔ارجنٹائن کے لیونل میسی میچ کے 36ویں منٹ میں زخمی ہو گئے اور میچ 2 منٹ تک رک گیا۔ اس سے قبل 27ویں منٹ میں کولمبیا کے جان کورڈوبیا کو یلو کارڈ دکھایا گیا۔میسی 64ویں منٹ میں دوبارہ زخمی ہو کر میچ سے باہر ہو گئے۔دوسرے ہاف میں میچ کے 64ویں منٹ میں میسی ایک بار پھر زخمی ہو گئے اور انہیں باہر جانا پڑا۔ ان کی جگہ نکولس گونزالیز کو آنا پڑا۔ جس وقت میسی میدان سے نکلے، دونوں ٹیمیں کوئی گول کرنے میں کامیاب نہیں ہو پائی تھیں۔ باہر جانے کے بعد میسی بہت مایوس تھے اور روتے ہوئے بھی دیکھے گئے۔زیادہ ہجوم کی وجہ سے فائنل دیر سے شروع ہوا۔میامی میں کوپا امریکہ کا فائنل دیکھنے کے لیے اسٹیڈیم کے باہر ایک بہت بڑا ہجوم جمع تھا۔ کولمبیا اور ارجنٹائن کے درمیان کھیلا جانے والا فائنل دیکھنے کے لیے بغیر ٹکٹ والے بھی پہنچے جس کے بعد اسٹیڈیم کے باہر افراتفری کی صورتحال رہی۔پولیس نے بغیر ٹکٹ لوگوں کو گرفتار کر لیا۔ بھاری ہجوم کی وجہ سے میچ تقریباً ایک گھنٹہ تاخیر سے شروع ہوا۔ منتظمین کو اعلان کرنا پڑا کہ بغیر ٹکٹ کے لوگوں کو داخلے کی اجازت نہیں ہے، لہٰذا وہ واپس آجائیں۔
