لندن، 11 جولائی (یو این آئی) سربیا کے تجربہ کار نوواک جوکووچ اور قازقستان کی ایلینا ریباکینا بدھ کو کوارٹر فائنل میچوں میں جیت درج کرکے ومبلیڈن چیمپئن شپ کے سیمی فائنل میں پہنچ گئے ہیں۔ سات بار کے ومبلیڈن چیمپئن جوکووچ کو کوارٹر فائنل میچ میں کسی چیلنج کا سامنا نہیں کرنا پڑا کیونکہ ان کے آسٹریلیائی حریف ایلکس ڈی مینور نے انجری کے باعث میچ سے ہٹنے کا اعلان کر دیا تھا۔ مینور پیر کو فرانسیسی کھلاڑی آرتھر کے ساتھ اپنے میچ کے چوتھے راؤنڈ میں کولہے کی انجری کا شکار ہو گئے تھے۔
25 سالہ ڈی مینور نے بدھ کو ایک پریس کانفرنس میں کہا میرے خیال میں یہ ایک عجیب چوٹ ہے۔ یہ گھاس پر پھسلنے کے لیے بہت زیادہ طاقت لگانے کی وجہ سے ہوا۔ سیمی فائنل میں جوکووچ کا مقابلہ اٹلی کے لورینزو موسیٹی سے ہوگا۔خواتین کے سنگلز مقابلوں میں 2022 کی چیمپئن ریباکینا نے 61 منٹ تک جاری رہنے والے میچ میں گزشتہ سال کی سیمی فائنلسٹ یوکرین کی ایلینا سویتولینا کو 6-3، 6-2 سے شکست دی۔
دیگر میچوں میں چیک جمہوریہ کی باربورا کریجکووا نے بدھ کو سابق فرنچ اوپن چیمپئن 13 ویں سیڈ لاتیویا کی جیلینا اوسٹاپینکو کو 6-4 7-6 (4) سے شکست دے کر پہلی بار ومبلیڈن کے سیمی فائنل میں داخلہ لیا۔
