پیرس، 08 جولائی (یو این آئی) ہندوستانی رنر اویناش سیبلے نے پیرس ڈائمنڈ لیگ 2024 میں مردوں کی 3000 میٹر اسٹیپلچیس میں تیز رفتاری اور صبر اور برداشت کے ساتھ شاندار کارکردگی کا مظاہرہ کرتے ہوئے اپنا ہی قومی ریکارڈ توڑ دیا۔ اویناش سابلے کا تعلق مہاراشٹر سے ہے اور وہ ہندوستانی اسٹیپل چیس کے سرکردہ رنرز میں سے ایک ہیں۔ پیرس میں اولمپک گیمز سے صرف چند ہفتے دور سابلئ نے متاثر کن 8:09.91 کا وقت بنایا، جو ان کے پچھلے ریکارڈ سے ایک سیکنڈ کم ہے۔ ستاروں سے بھرے میدان کے خلاف مقابلہ کرتے ہوئے، وہ اتوار کو چارلیٹی اسٹیڈیم میں چھٹے نمبر پر رہے۔ سابلے کا پچھلا بہترین وقت 8:11.20 تھا، جو انہوں نے دو سال قبل برمنگھم میں کامن ویلتھ گیمز میں چاندی کا تمغہ جیت کر حاصل کیا تھا۔ ڈائمنڈ لیگ میں ایتھوپیا کے ابراہم سیم نے 8:02.36 کے ذاتی بہترین اسکور کے ساتھ فتح حاصل کی، انہوں نے کینیا کے کامن ویلتھ گیمز کے کانسہ کا تمغہ جیتنے والے اموس سیریم کو فوٹو فنش مقابلے میں بہت معمولی فرق سے شکست دی۔ عالمی چیمپئن شپ میں کانسہ کا تمغہ جیتنے والے کینیا کے ابراہم کیبیوٹ نے 8:06.70 کے ساتھ تیسرا مقام حاصل کیا، اس کے بعد تیونس کے ریکارڈ ہولڈر محمد امین زیناوئی اور نیوزی لینڈ کے 1500 میٹر انڈور ورلڈ چیمپیئن جیورڈی بیمش رہے۔ ایونٹ میں برتری کے لیے 17 رنرز نے مقابلہ کیا، جو سابلے کا سال کا تیسرا 3000 میٹر اسٹیپل چیس تھا۔ ان کے سیزن کا آغاز اورلینڈو میں پورٹ لینڈ ٹریک فیسٹیول میں 8:21.85 کے وقت کے ساتھ دوسری پوزیشن پر رہنے کے ساتھ ہوا۔ انہوں نے پنچکولہ میں ہندوستان کے بین ریاستی مقابلے پر بھی غلبہ حاصل کیا اور 8:31.75 کے وقت کے ساتھ پہلے نمبر پر رہے۔ مردوں کے جیولین تھرو میں ہندوستان کے کشور جینا 78.10 میٹر کی بہترین تھرو کے ساتھ آٹھویں نمبر پر رہے۔ جو اولمپکس کے لیے پوری طرح تیار طرح سے ہیں۔ جینا کے مضبوط آغاز کے باوجود تھرو کے لئے انہیں جدوجہد کرنی پڑی اور بالآخر 78.05m، 76.57m کی دوری طے کی اور مزید تھرو سے محروم ہو گئے۔ یہ جینا کا سال کا دوسرا ڈائمنڈ لیگ ایونٹ تھا، اس سے قبل انہوں نے دوحہ میں 76.31 میٹر کا جیولن تھرو کرکے ریکارڈ بنایا تھا۔
