بنکاک، 28 مئی (یو این آئی) ہندوستانی باکسر نشانت دیو ورلڈ اولمپک باکسنگ کوالیفکیشن ٹورنامنٹ 2024 میں منگل کو اپنے منگولائی حریف کو صرف دو منٹ میں شکست دے کر پری کوارٹر فائنل میں داخل ہو گئے جبکہ ابھیناش جاموال کو 63.5 کلوگرام زمرے میں اتنے ہی پوائنٹس کے باوجود شکست کا سامنا کرنا پڑا۔ بنکاک، تھائی لینڈ میں منعقدہ ایونٹ میں نشانت دیو نے منگولیا کے اوٹگونبٹار بیامبا ایرڈن کے خلاف پنچوں کی بیراج سے آغاز کیا اور پہلے ہی منٹ میں اسٹینڈنگ کاؤنٹ کو مجبور کر دیا۔ جیب اور کراس ہک کے امتزاج سے ایک اور اسٹینڈنگ کاؤنٹ ہوا اور ریفری نے راؤنڈ 1 میں 58 سیکنڈ باقی رہتے مقابلہ (آر ایس سی) روک دیا۔اس سے قبل جاموال نے کولمبیا کے جوز مینوئل ویافارا فوری کے خلاف پہلے راؤنڈ میں قریبی میچ ہارنے کے بعد شاندار واپسی کی۔ ہندوستانی باکسر نے تیسرے اور آخری راؤنڈ میں اپنا تسلط برقرار رکھا جس کے نتیجے میں سبھی پانچوں ججوں کے پوائنٹ برابری پرآگئے۔ ضابطوں کے مطابق ججوں کو دوبارہ پرفارمنس کا فیصلہ کرنے اور فاتح کا فیصلہ کرنے کو کہا گیا۔
جاموال کے لیے افسوس کی بات یہ رہی کہ سبھی پانچوں نے طویل غور و خوض کے بعد فورئی کے حق میں ووٹ دیا، جس سے فائنل اسکور 5:0 سے کولمبیا کے حق میں رہا۔ہندوستان کے سچن سیواچ دن کے آخر میں 57 کلوگرام وزن کے زمرے میں راؤنڈ آف 32 میں ڈنمارک کے فریڈرک جینسن سے مقابلہ کریں گے۔
