شملہ، 19 مئی (یو این آئی) دنیا کے بلند ترین پولنگ اسٹیشن ٹشی گنگ سے سائیکل سوار ہفتہ کو ملک کے ووٹروں کو ووٹ ڈالنے کا پیغام دینے سائکلنگ ایکسپڈیشن اسپیتی پہنچ گئے۔ ان سائیکلسٹ کا تابو میں سرکونگ اسکول کے بچوں نے شاندار استقبال کیا۔ اس کے ساتھ ساتھ اسکول میں ایک پروگرام کا بھی انعقاد کیا گیا۔ شملہ اسٹیٹ کے چیف الیکٹورل آفیسر کے رج میدا نے کہا کہ سائیکلنگ ایکسپڈیشن کے سائیکلسٹ شملہ سے 436 کلومیٹر کا فاصلہ طے کرنے کے بعد اسپیتی کے قازہ پہنچ گئے ہیں۔ لوک سبھا اور اسمبلی ضمنی انتخابات کے پیش نظر ووٹروں میں بیداری پیدا کرنے کے لیے سائیکلنگ مہم کا اہتمام کیا گیا ہے۔ یہ سائیکل سوار 20 مئی کو ٹشی گنگ (15256 فٹ) پہنچیں گے۔ ریاستی الیکشن آئیکن جسپریت پال اور ان کے ساتھی کشتیج شملہ سے ٹشی گنگ جائیں گے۔ اسکول میں منعقدہ پروگرام سے خطاب کرتے ہوئے سائیکل سوار جسپریت پال نے کہا کہ اس مہم کے ذریعے ملک کے ووٹروں کو ووٹ کی اہمیت کے بارے میں پیغام دیا جا رہا ہے۔ ہماچل پردیش میں یکم جون کو ووٹنگ ہونی ہے۔ جس طرح دنیا کے بلند ترین پولنگ اسٹیشن میں سو فیصد ووٹنگ ہوتی ہے، اسی طرح ہر پولنگ اسٹیشن پر زیادہ سے زیادہ ووٹنگ ہونی چاہیے۔ ہمیں اپنے اردگرد کے تمام ووٹرز کو پولنگ بوتھ تک لے جانا چاہیے۔ یہ جمہوریت کا عظیم تہوار ہے۔اس موقع پر سویپ کے نوڈل آفیسر اجیت ڈوگرہ کے ساتھ سرکونگ اسکول کا عملہ اور دیگر لوگ موجود تھے۔
