نئی دہلی، 7 جنوری (یو این آئی) ابین میتھیو کے 30 رن پر چار وکٹوں کی بدولت پڈوچیری نے اتوار کو دہلی کو شکست کی طرف دھکیل دیا۔ دوسری اننگز میں دہلی نے 126 رنز پر آٹھ وکٹ گنوا دیے ہیں اور اسے 30 رنز کی مجموعی برتری حاصل ہے۔آج یہاں ارون جیٹلی اسٹیڈیم میں کھیلے جا رہے اس میچ میں پڈوچیری نے دو وکٹ پر 113 رن سے آگے کھیل شروع کیا اور پوری ٹیم 63.3 اوور میں 244 رن تک محدود رہی۔ پڈوچیری کی جانب سے سنتوش رتناپارکھے نے سب سے زیادہ 60 رنز بنائے۔ کرشنا پانڈے 44 رنز، پارس ڈوگرا 31 رنز، آکاش کارگوے 28 رنز، جے پانڈے اور کپتان فبید احمد 18 رنز بنانے کے بعد آؤٹ ہوئے۔دہلی کی جانب سے ہریتک شوکین نے چار وکٹ لیے۔ ہمانشو چوہان نے تین وکٹیں حاصل کیں۔ نودیپ سائنا نے دو بلے بازوں اور ایشانت شرما نے ایک بلے باز کو آؤٹ کیا۔اس کے بعد میتھیو نے شاندار گیند بازی کی اور دہلی کو شکست کی طرف دھکیل دیا۔ دہلی کی دوسری اننگز میں کپتان یش دھول 23 رنز بنانے کے بعد آؤٹ ہوئے۔ انہیں میتھیو نے ایل بی ڈبلیو آؤٹ کیا۔ اس کے بعد لکشیا تھریجا بھی 24 رنز بنا کر پویلین لوٹ گئے۔ ویبو شرما 15 رنز بنانے کے بعد آؤٹ ہوئے، ہریتھک شوکین 19 رنز بنانے کے بعد آؤٹ ہوئے، ہمت سنگھ اور نودیپ سینی پانچ رنز بنانے کے بعد آؤٹ ہوئے، آیوش بدونی اور کشتیج شرما چار رنز بنانے کے بعد آؤٹ ہوئے۔ دن کا کھیل ختم ہونے تک دہلی نے 126 کے اسکور پر آٹھ وکٹ گنوا دیے تھے اور ہرش تیاگی 13 ناٹ آؤٹ پر کریز پر تھے اور ایشانت شرما 1 رن پر ناٹ آؤٹ تھے۔پڈوچیری کی جانب سے ابین میتھیو نے چار وکٹیں حاصل کیں۔ گورو یادو اور سوربھ یادیو نے دو دو وکٹیں حاصل کیں۔ہفتہ کو پہلے دن سے بہتر حالات دیکھنے میں آئے اور پڈوچیری نے دونوں ہاتھوں سے اس کا فائدہ اٹھایا۔ گورو یایو نے قومی چیمپئن شپ میں اپنے کیریئر کی بہترین کارکردگی کا مظاہرہ کرتے ہوئے 49 رنز کے عوض سات وکٹیں حاصل کیں کیونکہ ہوم ٹیم 148 رنز پر ڈھیر ہو گئی۔ جب دوسرے دن کا کھیل خراب روشنی کی وجہ سے روک دیا گیا تو پڈوچیری نے دو وکٹوں پر 113 رنز بنائے تھے۔
