یوس ہیڈ ٹی ٹوئنٹی ورلڈ کپ کے بعد میجر لیگ میں کھیلیں گے
ممبئی، 15 اپریل (یو این آئی) آسٹریلیائی بلے باز ٹریوس ہیڈ ٹی -20 ورلڈ کپ کے بعد آرام لینے کے بجائے میجر لیگ کرکٹ کے دوسرے سیزن میں کھیلنے کے لئے اسٹیون اسمتھ کے ساتھ شامل ہوں گے۔ہیڈ اس وقت سن رائزرس حیدرآباد کے ساتھ آئی پی ایل میں کھیل رہے ہیں۔ امریکہ اور ویسٹ انڈیز میں ٹی ٹوئنٹی ورلڈ کپ 29 جون کو ختم ہوگا۔ انہوں نے ٹی 20 ورلڈ کپ کے بعد آسٹریلیا میں آرام کرنے کے بجائے واشنگٹن فریڈم کے ساتھ معاہدہ کرکے میجر لیگ میں کھیلنے کا انتخاب کیا ہے۔ ٹی20 ورلڈ کپ کے بعد، آسٹریلیا کے ستمبر میں انگلینڈ کے وائٹ بال کے دورے تک کوئی بین الاقوامی میچ نہیں ہے۔ ہیڈ اور اسمتھ فریڈم کے نئے کوچ آسٹریلیا کے سابق کپتان رکی پونٹنگ کے تحت کھیلیں گے جنہوں نے حال ہی میں گریگ شپرڈ کی جگہ لی ہے۔فریڈم نے حال ہی میں نیوزی لینڈ کے آل راؤنڈر راچن رویندرا کو سائن کرنے کا اعلان کیا تھا۔ انہوں نے 2023 کے سیزن کے لیے مارکو جینسن اور اکیل حسین میں دو غیر ملکی کھلاڑیوں کو برقرار رکھا۔ ہیڈ اسمتھ، ایڈم زمپا (لاس اینجلس نائٹ رائیڈرز)، اسپینسر جانسن (نائٹ رائیڈرز) اور ٹم ڈیوڈ (ایم آئی نیویارک) شامل ہیں۔ انہوں نے ایم ایل سی کے دوسرے سیزن کے معاہدے کی تصدیق کر دی ہے۔
