کولکتہ نائٹ رائیڈرز (KKR) نے انڈین پریمیئر لیگ 2024 میں مسلسل تیسری جیت حاصل کی ہے۔ ٹیم نے موجودہ سیزن کے 16ویں میچ میں دہلی کیپٹلس کو 106 رنز سے شکست دی۔ اس لیگ میں کے کے آر نے ڈی سی کو 3 سال بعد شکست دی ہے۔ ٹیم کی آخری جیت 2021 میں ہوئی تھی۔وشاکھاپٹنم کے ڈاکٹر وائی ایس راج شیکھرا ریڈی کرکٹ اسٹیڈیم میں بدھ کو ٹاس جیت کر بیٹنگ کرتے ہوئے کولکتہ نے 20 اوور میں 7 وکٹ پر 272 رنز بنائے۔ ٹیم نے آئی پی ایل کا دوسرا سب سے بڑا سکور بنایا۔ یہ اس لیگ میں کولکتہ کا سب سے بڑا اسکور ہے۔ جوابی اننگز میں دہلی کی ٹیم 17.2 اوور میں 166 رنز پر آل آؤٹ ہوگئی۔کے کے آر کی جانب سے سنیل نارائن نے 39 گیندوں پر 7 چوکوں اور 7 چھکوں کی مدد سے 85 رنز بنائے جبکہ انگکرش رگھونشی نے 27 گیندوں پر 54 رنز بنائے۔ آندرے رسل نے 19 گیندوں پر 41 رنز کی اننگز کھیلی۔ رنکو سنگھ نے 8 گیندوں پر 26 رنز بنائے۔ اینریک نورتیا نے تین اور ایشانت شرما نے دو وکٹیں حاصل کیں۔ ڈی سی کے کپتان رشبھ پنت (55 رنز) اور ٹرسٹن اسٹبس (54 رنز) نے نصف سنچریاں بنائیں۔ ورون وکراورتی اور ویبھو اروڑہ نے 3،3 وکٹیں حاصل کیں۔
قبل ازیں انڈین پریمیئر لیگ (آئی پی ایل) کے 16ویں میچ میں بدھ کو کولکتہ نائٹ رائیڈرز نے دہلی کیپٹلس کے خلاف ٹاس جیت کر پہلے بلے بازی کا فیصلہ کیا۔آج ڈاکٹر وائی ایس راج شیکھر ریڈی اے سی اے۔ وی ڈی سی اے کرکٹ اسٹیڈیم میں کولکتہ نائٹ رائیڈرز کے کپتان شریاس ایر نے کہا کہ انہوں نے ٹاس جیت کر پہلے بیٹنگ کرنے کا فیصلہ کیا کیونکہ پچ کافی ہموار لگ رہی تھی۔ پچھلے میچ میں ہم نے دیکھا کہ دوسری اننگز میں بڑی تبدیلی آئی ہے۔ دہلی سے کھیلنے کے بعد میں کچھ چیزیں پتہ ہے، لیکن ہر دن مختلف ہے۔دہلی کیپٹلس کے کپتان رشبھ پنت نے کہا کہ ہم بھی پہلے بلے بازی کرنا چاہتے تھے۔ گزشتہ میچ میں نصف سنچری اسکور کرنا اچھا تھا اور میں ہر روز بہتر کرنا چاہتا ہوں۔ گزشتہ میچ میں گیند بازوں نے شاندار کارکردگی کا مظاہرہ کیا۔ پرتھوی شا نے اپنی اچھی کارکردگی سے ٹیم میں جگہ بنائی ہے۔ زخمی مکیش کمار کی جگہ سمیت کمار کو ٹیم میں شامل کیا گیا ہے۔
دونوں ٹیمیں درج ذیل ہیں:-
کولکتہ نائٹ رائیڈرز: فل سالٹ، وینکٹیش آئیر، شریاس آئیر (کپتان)، رنکو سنگھ، انگکرش رگھوونشی، آندرے رسل، سنیل نارائن، رمندیپ سنگھ، ہرشیت رانا، مچل اسٹارک اور ورون چکرورتی۔
دہلی کیپٹلس: مچل مارش، ڈیوڈ وارنر، رشبھ پنت (کپتان)، پرتھوی شا، ٹرسٹن اسٹبس، اکسر پٹیل، سمیت یادیو، ایشانت شرما، خلیل احمد، مکیش کمار اور اینریچ نورٹجے۔
