بھوپال، 24 مارچ (ہ س)۔ لوک سبھا انتخابات سے پہلے کانگریس میں بڑی تعداد میں لیڈر پارٹی چھوڑ کر بی جے پی میں شامل ہو گئے ہیں۔ اس دل بدل کے درمیان کانگریس نے لوک سبھا کے نئے انچارجوںکی تعیناتی کی ہے۔ اس میں زیادہ تر موجودہ ایم ایل اے اور سابق ایم ایل اے کو ذمہ داری دی گئی۔ مدھیہ پردیش کانگریس کے انچارج اور پارٹی کے جنرل سکریٹری جتیندر سنگھ نے پی سی سی چیف کی تجویز پر 29 لوک سبھا پارلیمانی حلقوں کے انچارج لیڈروں کو نئی ذمہ داریاں سونپی ہیں۔
لوک سبھا حلقہ مریناسے رامنیواس راوت، بھنڈسے لکھن سنگھ یادو، گوالیار سےاشوک سنگھ، گنا سے جے وردھن سنگھ، ساگر سے نیتندر راٹھور، ٹیکم گڑھ سے یادویندر سنگھ، دموہ سے مکیش نائک اور ہرش یادو، کھجوراہو سے سابق ایم ایل اے آلوک چترویدی، ستنا سے راجندر سنگھ، ریوا سے ڈاکٹر گووند سنگھ، سیدھی سے ونے سکسینہ، شہڈول سے ڈاکٹر اشوک مرسکلے، جبل پور سے لکھن گھنگھوریا، منڈلا سے قدیر سونی،بالاگھاٹ سے رجنیش سنگھ، چھندواڑہ سے سنیل جیسوال، ہوشنگ آباد سے سکھدیو پانسے،ودیشا سے این پی پرجاپتی اور پی سی شرما، بھوپال سےمہندر جوشی، راج گڑھ سے پریا ورت سنگھ، دیواس سے سجن سنگھ ورما، اجین سے روی جوشی، مندسور سے میناکشی نٹراجن اور نریندر ناہٹا، رتلام سے بالا بچن، دھار سے امنگ سنگھار، اندور سے شوبھا اوجھا اور ستیہ نارائن پٹیل، کھرگون سے ڈاکٹر وجے لکشمی سادھو، کھنڈوا سے آر کے ڈونگے، بیتوک سے عارف مسعود اور سکھدیو پانسے کو نیا انچارج بنایا گیا ہے۔
