نئی دہلی، 18 مارچ (یو این آئی) لوک سبھا انتخابات کے لیے بہار میں 40 سیٹوں کے لیے قومی جمہوری اتحاد (این ڈی اے) کی رکن جماعتوں کے درمیان سیٹیں تقسیم کی گئی ہیں، جس کے مطابق بھارتیہ جنتا پارٹی (بی جے پی) 17، جنتا دل۔ متحدہ (جے ڈی یو) 16، لوک جن شکتی پارٹی-رام ولاس (ایل جے پی) 5، ہندوستانی عوام مورچہ (ایچ اے ایم) اور راشٹریہ لوک تانترک مورچہ (آر ایل ایم او) ایک ایک سیٹ پر مقابلہ کریں گے۔ بہار کے پارٹی انچارج ونود تاوڑے، جے ڈی یو کے قومی جنرل سکریٹری سنجے کمار جھا، بی جے پی کے ریاستی صدر اور نائب وزیر اعلیٰ سمراٹ چودھری، ایل جے پی کے ریاستی صدر راجو تیواری اور ایچ اے ایم کے ریاستی صدر رجنیش کمار نے ایک ساتھ ایک پریس کانفرنس میں بی جے پی کے مرکزی دفتر نے اس کا اعلان کیا اور وزیر اعظم نریندر مودی کے این ڈی اے کو 400 سے آگے لے جانے کے عزم کو پورا کرنے کے لئے بہار میں تمام 40 سیٹیں جیتنے کا ارادہ ظاہر کیا۔ تمام قائدین نے نشستوں کی تقسیم پر اطمینان کا اظہار کیا۔مسٹر تاوڑے نے کہا کہ بہار میں این ڈی اے کی پانچ رکن جماعتیں بی جے پی، جے ڈی یو، ایل جے پی، ایچ اے ایم اور آر ایل ایم او کے انتخابی نشانات پر این ڈی اے کے طور پر ایک ساتھ الیکشن لڑیں گی۔ انہوں نے کہا کہ اگرچہ انتخابی نشانات مختلف ہو سکتے ہیں، تمام پانچ جماعتیں مل کر تمام 40 نشستوں پر اپنی طاقت کا استعمال کریں گی اور کامیابی حاصل کریں گی۔ انہوں نے کہا کہ بی جے پی 17 سیٹوں پر، جے ڈی یو 16 سیٹوں پر، ایل جے پی پانچ سیٹوں پر اور ہم اورآر ایل ایم او ایک ایک سیٹ پر الیکشن لڑے گی۔
