بھوپال، 14 مارچ: مدھیہ پردیش کے 1988 بیچ کی افسر ویرا رانا کو چیف سکریٹری کے عہدے میں توسیع ملی ہے۔ وہ 31 مارچ کو ریٹائر ہونے والی تھیں۔ اب وہ جون تک سی ایس کے عہدے پر برقرار رہیں گی۔ذرائع کے مطابق مرکزی حکومت نے ان کی سروس میں تین ماہ کی توسیع کی منظوری دے دی ہے۔ اب لوک سبھا انتخابات ویرا رانا کے دور میں ہی ہوں گے۔ اسمبلی انتخابات میں ووٹوں کی گنتی بھی ان کے ماتحت ہوئی تھی۔ اب ویرا رانا جون تک سی ایس رہیں گے۔ ریاست کو جولائی 2024 میں ایک نیا سی ایس ملے گا۔آپ کو بتاتے چلیں کہ چیف سکریٹری اقبال سنگھ بینس کی مدت ملازمت میں توسیع کی آخری تاریخ اسمبلی انتخابات کے بعد ختم ہو گئی تھی۔ اس کے بعد الیکشن کمیشن نے سنیئرٹی کی بنیاد پر ویرا رانا کو سی ایس کا چارج دے دیا تھا۔ اس کے بعد حکومت نے انہیں کل وقتی چیف سیکرٹری مقرر کیا تھا۔
