بھوپال:14مارچ:وزیراسکولی تعلیم مسٹر ادے پرتاپ سنگھ نے کہا ہے کہ نئی تعلیمی پالیسی کو مدھیہ پردیش میں مؤثر طریقے سے لاگو کیا جا رہا ہے۔ نئی تعلیمی پالیسی میں ریاست کے ہر بچے کو معیاری تعلیم فراہم کی جائے گی۔وزیر اسکولی تعلیم سنگھ آج وزارت میں بچوں کے مفت اور لازمی حق ِتعلیم قانون-2009 کے تحت پرائیویٹ اسکولوں میں مفت داخلہ کے لیے آن لائن لاٹری کا افتتاح کرنے کے بعد ضلع ہیڈکوارٹر میں موجود والدین سے خطاب کررہے تھے۔ اس پروگرام کو ریاستی تعلیمی مرکز کے یوٹیوب چینل پر بھی براہ راست نشر کیا گیا۔ اسکولی تعلیم کے وزیر نے ایک کلک کے ذریعے 30 اضلاع کے 33 لاکھ طلباء کے بینک کھاتوں میں تقریباً 137 کروڑ روپے کی یونیفارم کی رقم منتقل کردی۔ اس موقع پر محکمہ اسکول ایجوکیشن کے اْلس پروگرام کے لیے تیار کردہ موبائل ایپ بھی لانچ کی گئی۔
پروگرام سے خطاب کرتے ہوئے اسکولی تعلیم کے وزیر مسٹر سنگھ نے کہا کہ وزیر اعظم مسٹر نریندر مودی ڈیجیٹل انڈیا پروگرام کے ذریعے ملک بھر میں نئی ٹیکنالوجی کو فروغ دے رہے ہیں۔ اس پروگرام میں بھی جدید ٹیکنالوجی کا استعمال کرتے ہوئے پرائیویٹ اسکولوں میں تقریباً 1 لاکھ 25 ہزار بچوں کو داخلہ کارڈ فراہم کیے گئے ہیں۔ ڈائرکٹر مسٹر ایس دھن راجو نے کہا کہ ریاست میں سال 2016-17 سے آن لائن عمل شروع کیا گیا ہے۔ اس عمل میں والدین کو اپنے پڑوس کے اچھے پرائیویٹ اسکولوں میں اپنے بچوں کے داخلے کی سہولت فراہم کی جا رہی ہے۔ اس عمل میں مکمل شفافیت کو برقرار رکھا گیا ہے۔
پرائیویٹ اسکولوں میںبچوں کو ملا داخلہ :
پروگرام میں بتایا گیا کہ اس سال ایک لاکھ 48 ہزار بچوں نے آدھار کی تصدیق کی ہے اور آن لائن درخواستیں جمع کرائی ہیں۔ جن میں سے 77 ہزار 473 لڑکوں اور 71 ہزار 22 لڑکیوں کی درخواستیں موصول ہوئیں۔ نرسری کلاسز کے لیے 92 ہزار 398 درخواستیں موصول ہوئی ہیں، کے جی ون کے لیے 42 ہزار 509، کے جی ٹو کے لیے 1712 اور کلاس ون کے لیے 11 ہزار 876 درخواستیں موصول ہوئی ہیں۔ ان بچوں سے فارم بھرنے کی کوئی فیس نہیں لی گئی۔ دستاویزات کی تصدیق کے بعد ایک لاکھ 24 ہزار 386 بچے اہل پائے گئے۔ ان بچوں کو اس سال 23 مارچ تک لازمی طور پر داخلہ دیا جائے گا۔
پروگرام میں بتایا گیا کہ نوبھارت خواندگی میں’’الاس پروگرام ‘‘محکمہ اسکول ایجوکیشن کے ذریعے چلایا جا رہا ہے۔ اس پروگرام میں خصوصی کلاسز کا اہتمام کر کے منتخب افراد کو خواندہ بنایا جا رہا ہے۔ اس کے لیے ریاست میں دو مرتبہ تشخیصی امتحان کا انعقاد کیا جا رہا ہے۔ آج تیار کردہ ایپ پروگرام کو مزید تیز کرے گی۔
نائب وزیر اعلیٰ شکل کا جونیئر ڈاکٹروں نے اظہار تشکر کیا
بھوپال:14مارچ:نائب وزیر اعلیٰ مسٹر راجندر شکل کی ہدایت پر محکمہ صحت اور طبی تعلیم نے سرکاری اور خود مختار میڈیکل کالجوں کے جونیئر اور سینئر ریزیڈنٹ ڈاکٹروں کے وظیفہ میں اضافہ کیا ہے۔ شیام شاہ میڈیکل کالج، ریوا کے جونیئر ڈاکٹروں نے ریوا میں ڈپٹی چیف منسٹرمسٹر شکل سے ملاقات کی اور ان کا شکریہ ادا کیا۔ مدھیہ پردیش جونیئر ڈاکٹرس ایسوسی ایشن کے نائب صدر ڈاکٹر اکشے دویدی سمیت جونیئر ڈاکٹروں نے نائب وزیر اعلیٰ مسٹر شکلا سے ملاقات کی اور وظیفہ بڑھانے پر اظہار تشکر کیا۔
