نئی دہلی19اکتوبر: ممبئی میں اداکار ٹائیگر شراف پر شوٹنگ کے واقعے کے بعد بالی ووڈ پر گینگسٹرز کے سائے گہرے ہوتے نظر آرہے ہیں۔ حال ہی میں ایک نیا آڈیو کلپ منظر عام پر آیا ہے جس نے فلم انڈسٹری میں ہلچل مچا دی ہے۔ اس آڈیو کلپ میں گینگسٹر انل پنڈت ہونے کا دعویٰ کرنے والے ایک شخص نے دعویٰ کیا ہے کہ اس کے پاس 70,000 شوٹرز کی فوج ہے۔ انہوں نے سلمان خان کی زندگی کو جہنم بنانے کی دھمکی دیتے ہوئے یہ بھی کہا کہ اگر سپر اسٹار نے گینگسٹر لارنس بشنوئی اور بشنوئی برادری سے معافی نہیں مانگی تو ان کے قریبی ساتھیوں کو نشانہ بنایا جائے گا۔
ای ٹائمز میں شائع ہونے والی رپورٹ کے مطابق آڈیو کلپ میں گینگسٹر انل پنڈت کہتا ہے، ’’اگر آپ دو لوگوں کو ماریں گے تو ہمارے 200 بھائی تیار ہیں۔‘‘ انہوں نے اداکار سوشانت سنگھ راجپوت کی موت کی تحقیقات پر بھی سنگین سوالات اٹھائے۔ اس
کا دعویٰ ہے کہ ممبئی میں اس کے بہت سے ساتھی ہیں اور یہ جنگ جاری رہے گی۔ انہوں نے واضح طور پر خبردار کیا کہ اگر سلمان خان، لارنس بشنوئی اور پوری بشنوئی برادری نے معافی نہیں مانگی تو ان کی زندگی جہنم بن جائے گی۔گینگسٹر نے بالی ووڈ پر براہ راست
الزام لگاتے ہوئے کہا کہ جب سوشانت سنگھ راجپوت کا قتل ہوا تو سب کہاں تھے؟ بالی ووڈ والوں نے ہی اسے مارا۔’ انہوں نے یہ بھی دعویٰ کیا کہ جب سے لارنس بشنوئی نے فلم انڈسٹری میں کام کرنے والوں کے خلاف کارروائی شروع کی ہے تب سے انتظامیہ کا رویہ بالکل بدل گیا ہے۔ کلپ میں اس لڑائی کو ملک کے غداروں کے خلاف جنگ قرار دیا گیا ہے۔ تاہم وائرل ہونے والے آڈیو کلپ اور اس میں کیے گئے دعوؤں کی ابھی تک سرکاری طور پر تصدیق نہیں ہو سکی ہے۔
