بھوپال:28؍ستمبر:دیواس میں روزگار کے شعبے میں شروع کی گئی اختراعی پہل ’’دیواس جاب پورٹل‘‘ نے قومی سطح پر اپنی منفرد شناخت قائم کی ہے۔ نئی دہلی میں منعقدہ تقریب میں اس ڈیجیٹل اقدام کو باوقار ’اسکاچ ایوارڈ – گولڈ کیٹیگری‘ سے نوازا گیا ہے۔ یہ ایوارڈ کلکٹر مسٹر رِتو راج سنگھ کی مؤثر رہنمائی اور قیادت میں نوجوانوں کو روزگار کے آسان مواقع فراہم کرنے کی سمت میں حاصل ہونے والی ایک بڑی کامیابی ہے۔
وزیر اعلیٰ ڈاکٹر موہن یادو نے 14 اکتوبر 2025 کو دیواس ضلع کے باگلی ترقیاتی بلاک میں ’’دیواس جاب پورٹل‘‘ کا باقاعدہ افتتاح کیا تھا۔ اس پورٹل کا بنیادی مقصد مقامی نوجوانوں اور صنعتوں کو ایک شفاف، آسان اور مؤثر ڈیجیٹل پلیٹ فارم پر جوڑتے ہوئے روزگار کے مواقع براہ راست ضرورت مندوں تک پہنچانا ہے۔ دیواس جاب پورٹل نوجوانوں اور مقامی صنعتی یونٹس کے درمیان پل کا کام کر رہا ہے۔ ستمبر 2026 تک پورٹل پر 12,600 سے زائد نوجوانوں نے رجسٹریشن کرائی ہے۔ پورٹل پر 258 صنعتوں اور اداروں نے شمولیت کرتے ہوئے 4600 روزگار کے مواقع پیدا کیے، جن میں سے 1,000 سے زائد مقامی امیدواروں کو براہ راست روزگار حاصل ہوا۔مقامی انتظامیہ، صنعت اور نوجوانوں کے درمیان مضبوط ڈیجیٹل رابطہ قائم کرنے والا یہ ماڈل روزگار کی تلاش اور دستیابی کے درمیان موجود خلا کو ختم کرنے میں ایک مؤثر اور قابلِ تقلید ماڈل ثابت ہوا ہے۔
