بھوپال:05؍ستمبر:(پریس ریلیز)ماحولیات ثقافتی تحفظ و انسانی بہبود ٹرسٹ کے صدر سشیل کمار جین اور سندھیا جین اسٹڈی سرکل کے ڈائریکٹر استتو جین نے چھولا تھانہ انچارج سرسوتی تیواری کو اعزاز سے نوازا۔ یہ اعزاز پولیس کی حساس، انسانی اور بے خوف کارکردگی کے اعتراف اور شہریوں کے پولیس پر اعتماد کے اظہار کے طور پر پیش کیا گیا۔اس موقع پر سرسوتی تیواری کو ہیومینیٹیرین پولیس ایکسیلنس ایوارڈ پیش کیا گیا۔ ٹرسٹ کی جانب سے انہیں انگ وسترم، گلدستہ، مٹھائی اور علامتی طور پر گڑیا اور تریپورہ کی روایتی ٹوپی بھی پیش کی گئی۔ٹرسٹ کے صدر سشیل کمار جین نے کہا کہ پولیس کی ذمہ داری صرف قانون و نظم برقرار رکھنا ہی نہیں، بلکہ عام شہریوں میں تحفظ، اعتماد اور اپنائیت کا احساس پیدا کرنا بھی ہے۔ سرسوتی تیواری کے کام کرنے کے انداز میں قانون کی مضبوطی کے ساتھ انسانی حساسیت کا خوبصورت توازن نظر آتا ہے۔اسٹڈی سرکل کے ڈائریکٹر استتو جین نے کہا کہ پولیس افسران کی فعالیت اور ذمہ داری نوجوان نسل کے لیے بھی باعثِ تحریک ہے۔ انہوں نے کہا کہ سرسوتی تیواری کی کارکردگی یہ پیغام دیتی ہے کہ وردی کی طاقت اس وقت مزید مؤثر بن جاتی ہے، جب اس کے ساتھ حساسیت اور انسانی نقطۂ نظر بھی شامل ہو۔پروگرام میں موجود شہریوں اور ساتھیوں نے سرسوتی تیواری کی خدمات کی ستائش کرتے ہوئے انہیں نیک خواہشات پیش کیں۔
