بھوپال، 2 مارچ (رپورٹر) بحیرہ عرب اور خلیج بنگال سے آرہی نمی کی وجہ سے ریاست کے 24 اضلاع میں بارش ہوئی ہے۔ بھوپال میں ہفتہ کی صبح 3 بجے سے گرج چمک کے ساتھ پانی گرا۔ ہردا اور نرمداپورم میں بھی بارش ہوئی ہے۔ محکمہ موسمیات نے گوالیار، جبل پور-اجین سمیت 21 اضلاع میں اولے اور بارش کا اورنج الرٹ جاری کیا ہے۔محکمہ موسمیات کے مطابق اس وقت ویسٹرن ڈسٹربنس افغانستان اور اس کے گردو نواح میں سائیکلونک سرکولیشن کی صورت میں سرگرم ہے۔ وہیں جنوب مغربی راجستھان پر گردابی ہواوں کا ایک دائرہ ہے۔ ٹراف لائن بھی گزر رہی ہے۔ ان سب کی وجہ سے نمی بحیرہ عرب اور خلیج بنگال سے جنوب مغربی ہواوں کے ساتھ آرہی ہے۔ جس کی وجہ سے ریاست میں بارش اور ژالہ باری کا سلسلہ دوبارہ شروع ہو گیا ہے۔محکمہ موسمیات کے مطابق ویسٹرن ڈسٹربنس 5 مارچ کو دوبارہ سرگرم ہو رہا ہے۔ اس کا اثر ریاست میں بھی نظر آئے گا۔ اس سے پہلے ریاست میں جمعہ کو بھی گرمی کا اثر دیکھا گیا تھا۔
شیو پوری کو چھوڑ کر دیگر شہروں میں دن کا درجہ حرارت 30 ڈگری سے اوپر رہا۔ محکمہ موسمیات نے آئندہ چند گھنٹوں میں ریاست کے کئی اضلاع میں بعض مقامات پر ہلکی اور تیز بارش کی پیشین گوئی کی ہے۔
