بھوپال، 16 فروری (رپورٹر) مدھیہ پردیش سے خالی ہونے والی پانچ راجیہ سبھا سیٹوں کے لیے 2 اپریل کو بلامقابلہ انتخابات ہوں گے۔ پانچ نشستوں کے لیے صرف پانچ امیدواروں نے کاغذات نامزدگی جمع کرائے تھے جو کہ جانچ میں درست پائے گئے۔ اب 20 فروری کو سہ پہر 3 بجے کاغذات نامزدگی واپس لینے کی مدت مقرر ختم ہونے کے بعد امیدواروں کو بلا مقابلہ منتخب قرار دے دیا جائے گا۔230 رکنی مدھیہ پردیش اسمبلی میں بی جے پی کے 163، کانگریس کے 66 اور بھارت آدیواسی پارٹی کے ایک رکن ہیں۔ راجیہ سبھا میں رکن بھیجنے کے لیے 38 ایم ایل ایز کی حمایت درکار ہوتی ہے۔ اس کے مطابق بی جے پی کے چار اراکین اور کانگریس کا ایک ممبر راجیہ سبھا جائیں گے۔بی جے پی نے مرکزی وزیر ایل مروگن، والمیکی دھام اجین پیتھادھیشور امیش ناتھ مہاراج، مہیلا مورچہ کی ریاستی صدر مایا نرولیا اور کسان مورچہ کے قومی نائب صدر بنشیلال گرجر کو اپنے امیدواروں کے طور پر میدان میں اتارا ہے۔ وہیں اشوک سنگھ نے کانگریس کی جانب سے پرچہ نامزدگی جمع کیا تھا۔
