راؤرکیلا، 16 فروری (یو این آئی) ہندوستانی خواتین ہاکی ٹیم ایف آئی ایچ پرو لیگ میچ میں ہفتہ کو آسٹریلیا اور اتوار کو امریکہ سے مثبت سوچ کے ساتھ مقابلہ کرے گی۔ہندستانی کپتان سویتا نے کہا کہ ہم آسٹریلیا کے خلاف آخری میچ ہار گئے تھے لیکن اس بار ہماری توجہ جیت پر ہے اور ہم اپنا 100 فیصد دیں گے۔ انہوں نے کہا”آسٹریلیا ہمارے ساتھ ایک ہی انداز سے کھیلتا ہے،” ۔ ان کی فنشنگ بہترین ہے۔ ہمارا مقصد انہیں روکنا اور آمنے سامنے کی لڑائی جیتنا ہوگا۔ پیرس اولمپکس کے لیے کوالیفائی کرنے میں ناکام رہی سویتا پونیا کی زیرقیادت ہندوستانی خواتین کی ٹیم ایف آئی ایچ پرو لیگ کے موجودہ سیزن میں ٹاپ ٹیموں کے خلاف مؤثر کارکردگی کا مظاہرہ نہیں کر سکی ہے اور پانچ میں سے چار میچ ہار چکی ہے۔ پہلے میچ میں اسے چین کے خلاف 1-2، ہالینڈ کے خلاف 1-3 اور آسٹریلیا کے خلاف 0-3 سے شکست ہوئی۔ بھونیشور لیگ کے آخری میچ میں ہندستان نے امریکہ کو 3-1 سے شکست دی۔حالیہ دنوں میں آسٹریلیا کو ہندوستان کے خلاف زیادہ سازگار نتائج ملے ہیں، جس میں اس ماہ کے شروع میں ایف آئی ایچ ہاکی پرو لیگ 2023-24 کے بھونیشور لیگ میں 3-0 سے جیت بھی شامل ہے، لیکن ہندوستانی خواتین ہاکی ٹیم اپنی 1-0 کی فتح دہرانے کی کوشش کرے گی۔ ہندوستانی ٹیم ہفتہ کی رات رورکیلا میں آسٹریلیا کا مقابلہ کرے گی اور اتوار کو امریکہ کا مقابلہ کرے گی۔

نئی دہلی، 16 فروری (یو این آئی) گڑھوال ہیروز ایف سی نے جمعہ کو کھیلے گئے فیصلہ کن میچ میں رینجرز اسپورٹس کلب کو ایک گول سے شکست دے کر دوسری پریمیئر لیگ کا خطاب جیت لیا ہے۔آج یہاں گڑھوال نے اپنے آخری میچ میں اسحاق بوک کے شاندار گول سے برتری حاصل کرتے ہوئے آخر تک برقرار رکھا۔ دوسری پوزیشن رائل رینجرز کو ملی، جس نے انتہائی اہم میچ میں دفاعی چیمپئن واٹیکا ایف سی کے خلاف 2-0 سے جیت درج کی۔ فاتح کے لئے بھاریون بنسل اور لیٹجامنگ ہاوپک نے گول کئے۔ گڑھوال ہیروز نے 42 پوائنٹس کے ساتھ لیگ ختم کی۔ رائل رینجرز 40 پوائنٹس کے ساتھ رنر اپ رہی، جبکہ ٹائٹل کی مضبوط دعویدار واٹیکا اہم میچوں میں اپنے شناخت کے مطابق نہیں کھیل سکی۔