بھوپال 13نومبر:وزیر اعلیٰ ڈاکٹر موہن یادو نے کہا ہے کہ سماجی کے ذریعہ منعقد تعارفی کانفرنس اور کنونشن خاندانی اقدار، برادری کی روایات اور تہذیب کو برقرار رکھنے میں معاون ہوتے ہیں۔ سین سماج کی شناخت محنت، خدمت اور اقدار سے رہی ہے۔ سنت شرومنی سین مہاراج کی تحریک یہ ظاہر کرتی ہے کہ کام ہی عبادت اور خدمت ہی سچا مذہب ہے۔ گجراتی سین سماج ریاست کی ترقی میں اسی جذبے سے اپنا اہم کردار نبھارہا ہے۔ نوجوان لڑکے- لڑکیوں کی تعارفی کانفرنس زندگی کے ساتھی تلاش کرنے کے ساتھ ہی الگ- الگ خاندانوں کے درمیان نئے رشتہ قائم کرنے کا بھی موقع ہے ۔
یہ کانفرنس سماجی تحفظ ، شفاف بات چیت اور خاندانی اعتماد کو مضبوط کرنے والا اجتماعی اقدام ہے۔سماج کے ایسے اجتماعات سے ہمیشہ اپنے ہنر اور اقدار کو آئندہ نسل تک پہنچانے میں بھی مدد ملتی ہے ۔ وزیر اعلیٰ ڈاکٹر یادو نے کہاکہ جلد ہی وزیر اعلیٰ رہائش گاہ میں سین سماج کی پنچایت منعقد کی جائے گی۔ وزیر اعلیٰ ڈاکٹر یادو جمعرات کو وزیر اعلیٰ رہائش گاہ سمتو بھون سے اجین میں منعقد مدھیہ پردیش گجراتی سین سماج کے قومی کنونشن اور تعارفی کانفرنس سے ورچوئلی خطاب کر رہے تھے۔
