بھوپال، 13 فروری (رپورٹر) ریاست کی نو تشکیل شدہ موہن یادو حکومت نے سابق وزیر اعلیٰ شیوراج سنگھ چوہان کے دور میں نگم/ منڈل/بورڈ اور کمیشن کی تقرریوں کو منسوخ کر دیا ہے۔ ان کے چیئرمین، وائس چیئرمین اور دیگر عہدوں پر کی گئی تقرریاں ختم کر دی گئی ہیں۔ اب تمام کارپوریشنوں اور بورڈز میں نئے سرے سے تقرریاں کی جائیں گی۔ اسی سلسلے میں ایمپلائمنٹ جنریشن بورڈ کے چیئرمین شیلیندر شرما کو بھی ہٹا دیا گیا ہے۔ اس کے ساتھ ہی، ٹیکنیکل ایجوکیشن، اسکل ڈیولپمنٹ اینڈ ایمپلائمنٹ ڈپارٹمنٹ میں ایمپلائمنٹ جنریشن بورڈ کے وائس چیئرمین نریندر برتھرے کی تقرری کو منسوخ کر دیا گیا ہے۔ معلومات کے مطابق حکومت نے نگم/ منڈل/بورڈ کی تمام تقرریوں کو ختم کرنے کا فیصلہ کیا ہے۔ اب ان آسامیوں پر نئے سرے سے تقرریاں کی جائیں گی۔
