ملان پور، 16 اپریل (یو این آئی) انڈین پریمیئر لیگ (آئی پی ایل) 2025 میں پنجاب کنگز اور کولکتہ نائٹ رائیڈرز کے درمیان ہونے والے میچ کے دوران سنیل نارائن اور اینرک نوٹرجے کے بلے ٹیسٹ میں ناکام ہو گئے۔ منگل کو آئی پی ایل کے 31 ویں میچ میں ریزرو امپائر سید خالد نے کولکتہ نائٹ رائیڈرز کی اننگ شروع ہونے پر اوپنر نارائن کے بلے کو چیک کیا۔ جانچ کے دوران بلے کی چوڑائی کو ایک گیج سے گزارا گیا۔ ان کا بلا سب سے موٹا حصہ گیج کو پار کرنے میں ناکام رہا۔اس دوران خالد نے نارائن کے پاس کھڑے رگھوونشی کے بلے کو بھی غور سے دیکھا۔ رگھوونشی کا بلا اس جانچ میں کامیاب رہا۔ پہلی اننگ کے دوران تین اوورز میں 14 رنز دے کر دو وکٹ لینے والے نارائن نے اپنی اننگ میں چار گیندوں پر پانچ رنز بنائے۔ دوسری طرف، رگھوونشی 28 گیندوں میں 37 رنز بنا کر کے کے آر کے لیے ٹاپ اسکورر رہے۔کے کے آر کی جانب سے نورٹجے آخری بلے باز کے طور پر میدان میں اترے لیکن وہ جس بلے کے ساتھ میدان میں آئے تھے اسے واپس بھیج دیا گیا کیونکہ ٹی وی کمنٹیٹرز کے مطابق امپائرز موہت کرشناداس اور سائی درشن کمار کے ٹیسٹ میں ان کا بلا ناکام ہوگیا۔ یہ واقعہ 16ویں اوور میں پیش آیا، اس کے بعد متبادل کھلاڑی رحمان اللہ گرباز نورٹجے کے لیے ایک اضافی بلا لے کر آئے۔ تاہم، وہ اس بلے سے ایک بھی گیند نہیں کھیل سکے، اسٹرائیک پر کھڑے آندرے رسل اگلی ہی گیند پر بولڈ ہو گئے۔ قابل ذکر ہے کہ ضوابط کے مطابق کسی بھی بلے کی چوڑائی 10.79 سینٹی میٹر، موٹائی 6.7 سینٹی میٹر، کنارے کی چوڑائی 4 سینٹی میٹر اور لمبائی 96.4 سینٹی میٹر سے زیادہ نہیں ہونی چاہئے۔
