بھوپال، 24 جنوری (رپورٹر) گورنر منگو بھائی پٹیل نے بھوپال ہاٹ میں منعقدہ ون میلے کا افتتاح کیا۔ جنگلاتی پیداوار سے خوشحالی اور ترقی کے مقصد سے ریاست سطحی ون میلے کا آغاز کیا گیا ہے۔ اس پروگرام میں وزیر جنگلات ناگر سنگھ چوہان، ریاستی وزیر مملکت دلیپ اہیروار اور محکمہ کے افسران موجود تھے۔ آپ کو بتاتے چلیں کہ 24 سے 28 جنوری تک جنگلات میلے کا انعقاد کیا جائے گا۔میلے میں 120 اسٹالز لگائے گئے ہیں۔ ان میں سے 19 کا تعلق وندھن کیندر سے ہے اور 55 کا تعلق ضلع یونین سے ہے۔ 20 اسٹالز الگ سے لگائے گئے ہیں۔ جہاں 40 آیورویدک ڈاکٹر 28 جنوری تک صبح و شام مفت مشورہ کریں گے۔ 27 جنوری کو میلے میں خرید و فروخت کانفرنس منعقد ہوگی۔ جس میں ایکو ٹورزم اور بائیو ڈائیورسٹی سے متعلق ایک نمائش کا انعقاد کیا جائے گا۔
میلے میں پہلی بار جوار کو بھی برانڈنگ کے طور پر شامل کیا گیا ہے۔ میلے کا افتتاح کرتے ہوئے گورنر منگو بھائی پٹیل نے کہا کہ میلے میں آنے والے لوگ ہمارے قدیم آیورویدک نظام سے روبرو ہوں گے۔ اس کے علاوہ قبائلی عوام بھی اس سے مستفید ہوں گے۔وہیں وزیر جنگلات ناگر سنگھ چوہان نے کہا کہ میلے میں ہربل مصنوعات، قدرت کے منفرد تحفے کے اسٹال لگائے گئے ہیں۔
