وڈودرا :15؍جنوری:کرناٹک نے وجے ہزارے ٹرافی 2024-25 کے پہلے سیمی فائنل میں ہریانہ کو 5 وکٹ سے شکست دی۔ ٹیم نے 5ویں مرتبہ ٹورنامنٹ کے ٹائٹل میچ میں جگہ بنائی۔ کرناٹک کے وڈودرا اسٹیڈیم میں ہریانہ نے پہلے بلے بازی کرتے ہوئے نو وکٹوں کے نقصان پر 237 رنز بنائے۔ کرناٹک نے تحمل سے بلے بازی کی اور ہدف 48ویں اوور میں 5 وکٹوں پر حاصل کر لیا۔کرناٹک کی جانب سے دیو دت پڈیکل نے 86 اور روی چندرن سمرن نے 76 رنز بنائے۔ دونوں نے 128 رنز کی شراکت بھی کی۔ پہلی اننگز میں ابھیلاش شیٹی نے 4 وکٹیں لے کر ہریانہ کو بڑا اسکور کرنے سے روک دیا۔ ٹورنامنٹ کا دوسرا سیمی فائنل جمعرات کو وڈودرا میں ودربھ اور مہاراشٹر کے درمیان کھیلا جائے گا۔
کوٹامبی اسٹیڈیم میں کرناٹک نے ٹاس جیت کر گیند بازی کا فیصلہ کیا۔ ہریانہ نے 8ویں اوور میں 10 رنز بنانے والے آرش رنگا کا وکٹ گنوا دیا۔ ان کے بعد ہمانشو رانا اور انکت کمار نے ٹیم کا سکور 100 رنز کے پار پہنچا دیا۔ ہمانشو نے 44 اور انکت نے 48 رنز بنا کر ٹیم کو 118/3 تک پہنچا دیا۔سیٹ بلے بازوں کے آؤٹ ہونے کے بعد ہریانہ کے کسی بھی بلے باز نے بڑی اننگز نہیں کھیلی۔ انوج ٹھکرال نے 23، راہول تیوتیا نے 22، سمیت کمار نے 21 اور وکٹ کیپر دنیش بانا نے 20 رنز بنا کر اسکور کو 237 رنز تک پہنچا دیا۔ کرناٹک کی جانب سے ابھیلاش شیٹی نے 4 وکٹیں حاصل کیں۔ پرسید کرشنا اور شریاس گوپال نے 2، 2 وکٹیں حاصل کیں، جب کہ ہاردک راج کو کامیابی ملی۔
