نئی دہلی، 14 جنوری (یو این آئی) ہندوستانی خواتین ٹیم نے منگل کو کھو کھو ورلڈ کپ کے اپنے پہلے میچ میں جنوبی کوریا کے خلاف شاندار کارکردگی کا مظاہرہ کرتے ہوئے 18-175سے تاریخی جیت درج کی۔آج رات اندرا گاندھی انڈور اسٹیڈیم میں ہندوستانی خواتین ٹیم نے شاندار ڈریم اور بہترین دفاعی حکمت عملیوں کے ساتھ اپنی مہارت کا مظاہرہ کرتے ہوئے ٹورنامنٹ میں پہلی فتح حاصل کی۔ ہندوستانی ٹیم کے سامنے جنوبی کوریا کی ٹیم مشکلات کا سامنا کرتی نظر آئی۔ چیترا بی، میرو اور کپتان پرینکا انگلے نےلگاتار ڈریم رن بنا کر ہندوستانی ٹیم کے لیے رفتار برقراررکھی۔ پہلے دو بیچ نے ایک-ایک پوائنٹ حاصل کیے۔ اس حکمت عملی کے آغاز نے جنوبی کوریا کی جانب سے پہلے ٹرن کے آخر میں حاصل کردہ 10 ٹچ پوائنٹ کو بے اثر کرنے میں مدد کی۔
جیسے ہی حالات ان کے حق میں ہوئے، ہندوستانی ٹیم نے پوری طاقت سے حملہ کیا۔ نسرین شیخ، پریانکا انگلے اور ریشما راٹھور کی تکڑی نے صرف نوے سیکنڈ میں، ٹیم نے دفاع کرنے والوں کے خلاف تین آل آؤٹ جیت حاصل کی جس سے اسکور 24 تک پہنچ گیا۔ صرف 18 سیکنڈ بعد، انہوں نے جنوبی کوریا پر چوتھا آل آؤٹ کر دیا، جس سے ان کی برتری 22 پوائنٹ ہو گئی۔ ریشما راٹھور نے شاندار چھ ٹچ پوائنٹس کے ساتھ شاندار کارکردگی کا مظاہرہ کیا جبکہ مینو نے دیگر ڈائیو کے ذریعے 12 پوائنٹس کے ساتھ شاندار کارکردگی کا مظاہرہ کرتے ہوئے ٹیم کے اسکور کو نمایاں طور پر بڑھایا۔ دوسری باری کے اختتام تک، ہندوستانی ٹیم نے 16 بیچوں کو ختم کردیا تھا،جس سے اسکور 94-10 ہو گیا۔تیسرے ٹرن میں بھی ہندوستانی خواتین نے اسی شدت کو برقرار رکھا اور ڈریم رن کے ذریعے تین پوائنٹس کا اضافہ کیا۔ ٹرن 3 کے دوسرے ہاف میں جنوبی کوریا صرف آٹھ پوائنٹس حاصل کر سکا جبکہ ہندوستان کاکا غلبہ برقرار رہا۔
آخری ٹرن نے میچ پر ٹیم انڈیا کے ناقابل تسخیر کنٹرول کو ظاہر کیا، جس نے اپنے حریفوں کو کبھی بھی رفتار بنانے کا موقع نہیں دیا۔ میچ کا اختتام ہندوستان کی جانب سے جنوبی کوریا کے 18 پوائنٹس کے مقابلے میں 175 پوائنٹس کے بڑے اسکور کے ساتھ ہوا، جس نے ٹورنامنٹ کے اہم مراحل میں داخل ہوتے ہی اپنی گروپ کی دیگر ٹیموں کو ایک زور دار پیغام دیا۔
آج کے میچ میں ہندوستانی ٹیم کی نرملا بھاٹی کو بہترین اٹیکر، جنوبی کوریا کی ایستر کم کو بہترین ڈیفینڈڑ، اور ہندوستانی ٹیم کی نسرین شیخ کو میچ کے بہترین کھلاڑی کے انعام سے نوازا گیا۔
