نئی دہلی، 11 دسمبر (یو این آئی)ہندوستان آج ایک ابھرتی ہوئی سمندری طاقت کے طور پر کھڑا ہے، جو اپنے جغرافیائی محل وقوع اور جدید انفرااسٹرکچر کو عالمی بحری اقدامات کی قیادت کرنے کے لئے حکمت عملی سے فائدہ اٹھا رہا ہے۔ جدید ترین بحری سفارت کارخصوصاً سمندر، خطے میں سب کے لئے سلامتی اور ترقی جیسے اقدامات کے ذریعے ہم مضبوط بین الاقوامی شراکت داری کو فروغ دے رہے ہیں۔ ہند-بحرالکاہل میں علاقائی استحکام کو یقینی بنارہے ہیں۔قواعد پر مبنی ترتیب جوہر ہے اور ہندوستان اس بات کو یقینی بنانے کے لئے اقدامات اور اس کی قیادت کر رہا ہے۔ مجھے یقین ہے کہ یہ دو روزہ میری ٹائم ہیریٹیج سمٹ 2024 پائیدار اختراع کی طرف آگے بڑھتے ہوئے ہمارے بحری ورثے کا احترام کرنے کے لیے ہمارے مجموعی عزم کی تجدید کرے گی۔“ان خیالات کا اظہار نائب صدر جمہوریب جگدیپ دھنکڑ نے دو روزہ انڈیا میری ٹائم ہیریٹیج کانفرنس2024(آئی ایم ایچ سی2024)سے خطاب کرتے ہوئے کیا۔انھوں نے آنے والی نسلوں کے لئے ہندوستان کے سمندری ورثے کو محفوظ رکھنے کی اہمیت پر زور دیا۔بندرگاہوں، جہاز رانی اور آبی گزرگاہوں کے مرکزی وزیر سربانند سونووال نے کانفرنس کا افتتاح کرتے ہوئے اپنے سمندری ورثے کے تحفظ اور فروغ کے لیے ہندوستان کے عزم کو اجاگر کیا۔ اس پہل کی اہمیت کے بارے میں بات کرتے ہوئےمسٹر سونووال نے کہا، “ہمارا بھرپور سمندری ورثہ صرف ہمارے ماضی کی کہانی نہیںبلکہ ہمارے مستقبل کے لیے روشنی کا ایک مینارہ ہے۔
