اینٹیگا:27؍نومبر:بنگلہ دیش کی ٹیم کو دورہ ویسٹ انڈیز پر کھیلے گئے پہلے ٹیسٹ میں 201 رنز سے شکست کا منہ دیکھنا پڑا۔ اینٹیگا ٹیسٹ میں کھیلے گئے میچ میں ویسٹ انڈیز نے بنگلہ دیش کو جیت کے لیے 334 رنز کا ہدف دیا تھا۔ بنگلہ دیش کی ٹیم صرف 132 رنز بنا سکی۔ ٹیم کے آخری بلے باز ریٹائرڈ ہرٹ ہو گئے۔ویسٹ انڈیز کو دو ٹیسٹ میچوں کی سیریز میں بنگلہ دیش پر 1-0 کی برتری حاصل ہے۔ویسٹ انڈیز نے پہلی اننگز میں نو وکٹوں پر 450 رنز بنائے تھے جس کے جواب میں بنگلہ دیشی ٹیم نے نو وکٹوں پر 269 رنز پر اننگز ڈکلیئر کردی تھی۔ بنگلہ دیش کے باؤلرز نے دوسری اننگز میں ویسٹ انڈیز کو 152 رنز پر آؤٹ کر دیا۔ بنگلہ دیش کے بلے باز بھی دوسری اننگز میں کچھ خاص نہ کر سکے اور پوری ٹیم دوسری اننگز میں صرف 132 رنز بنا سکی۔
جسٹن گریوز نے 10 ماہ بعد ٹیم میں واپسی کرتے ہوئے ویسٹ انڈیز کی جانب سے پہلی اننگز میں 115 رنز کی اننگز کھیلی۔ ویسٹ انڈیز نے پہلی اننگز 9 وکٹوں پر 450 رنز بنا کر ڈیکلیئر کر دی۔ گریویز کے علاوہ مائیکل لیوس نے 218 گیندوں کا سامنا کرتے ہوئے 97 رنز بنائے اور ایلک اتھاناس نے 130 گیندوں کا سامنا کرتے ہوئے 90 رنز بنائے۔بنگلہ دیش کی جانب سے حسن محمود نے 3 اور تسکین احمد اور مہدی حسن معراج نے 2،2 وکٹیں حاصل کیں۔ تیج الاسلام نے ایک وکٹ حاصل کی۔
بنگلہ دیش کی ٹیم کو اپنی پہلی اننگز 9 وکٹوں پر 269 رنز پر ڈکلیئر کرنا پڑی۔ مومن الحق نے نصف سنچری اسکور کی۔ انہوں نے 116 گیندوں پر 50 رنز بنائے۔ الزاری جوزف نے 3 اور جیڈن سیل نے 2 وکٹیں حاصل کیں۔
دوسری اننگز میں تسکین احمد نے 6 وکٹیں لے کر ویسٹ انڈیز کو 152 رنز تک پہنچانے میں اہم کردار ادا کیا۔ ان کے علاوہ مہدی حسن معراج نے 2 وکٹیں حاصل کیں۔ شریف الاسلام اور تیج الاسلام نے 1-1 وکٹ حاصل کی۔ ویسٹ انڈیز کی جانب سے دوسری اننگز میں ایلک اتھاناز نے سب سے زیادہ 42 رنز بنائے۔ ان کے علاوہ کوئی بھی بلے باز 40 سے زیادہ رنز نہ بنا سکا۔
ساتھ ہی بنگلہ دیش کے بلے باز گیند بازوں کی کامیابی کا فائدہ نہ اٹھا سکے اور دوسری اننگز میں صرف 132 رنز بنا سکے۔ بنگلہ دیش کی جانب سے مہدی حسن میراز نے سب سے زیادہ 45 رنز بنائے۔
