پونے، 25 اکتوبر (یو این آئی) مچل سینٹنر (سات وکٹ) کی خطرناک گیندبازی کے بعد کپتان ٹام لیتھم (86) رنوں شاندار اننگ کی بدولت نیوزی لینڈ نے دوسرے ٹیسٹ میچ کے دوسرے دن جمعہ کے روز ہندوستان کو 156 رن پرسمیٹ کردوسری اننگ میں پانچ وکٹوں پر 198 رنوں کے ساتھ 301 کی برتری حاصل کرتے ہوئے میچ پر اپنی گرفت مضبوط کر لی ہے۔دوسری اننگ میں بلے بازی کرنے اتری کپتان ٹام لیتھم اور ڈیون کونوے کی اوپننگ جوڑی نے اچھا آغاز کیا۔ 10ویں اوور میں واشنگٹن سندر نے ڈیون کونوے (17) کو ایل بی ڈبلیو کرکے ہندوستان کو پہلی کامیابی دلائی۔ اس کے بعد آر اشون نے ول ینگ (23) کو ایل بی ڈبلیو کرکے پویلین بھیج دیا۔ راچن رویندرا (نو)، ڈیرل مچل (18) اور ٹام لیتھم (86) کو واشنگٹن نے اپنا شکار بنایا۔دن کا کھیل ختم ہونے پر نیوزی لینڈ نے 53 اوورز میں پانچ وکٹوں کے نقصان پر 198 رنز بنا لیے تھے اور اس کی مجموعی برتری 301 رنز ہو گئی ہے۔ ٹام بلنڈل (30 ناٹ آؤٹ) اور گلین فلپس (9) کریز پر تھے۔ہندوستان کی جانب سے آج کے ہیرو بھی واشنگٹن سندر رہے۔ انہوں نے 19 اوورز میں 56 رنز دے کر چار وکٹیں حاصل کیں۔ آر اشون کو ایک وکٹ ملا۔اس سے قبل نیوزی لینڈ نے ہندوستان کو پہلی اننگ میں 156 رنز پر آؤٹ کر کے 103 رنز کی برتری حاصل کر لی تھی۔کل ایک وکٹ پر 16 رن سے آگے کھیلتے ہوئے ہندوستان کو شبمن گل (30) کی شکل میں آج پہلا جھٹکا لگا۔ اس کے بعد اگلے بلے باز وراٹ کوہلی ایک رن بنانے کے بعد پویلین لوٹ گئے۔ نیوزی لینڈ کے اسپنرز کی عمدہ گیند بازی کے سامنے ہندوستان کے یشسوی جیسوال (30)، سرفراز خان (11) اور رشبھ پنت (18) بھی بڑی اننگ کھیلنے میں ناکام رہے۔ آر اشون (چار) ایک رن بناکرآؤٹ ہوئے۔ کھانے کے وقت تک ہندوستان نے 107 کے اسکور پر سات وکٹ گنوا دیے تھے۔وکٹوں کے مسلسل گرنے کے درمیان رویندر جڈیجہ نے 46 گیندوں میں 38 رنز کی شاندار اننگز کھیلی۔ ان کے آؤٹ ہونے کے بعد اگلے بلے باز آکاش دیپ (6) رن بنانے کے بعد آؤٹ ہوئے۔ نیچے آرڈر پر بیٹنگ کرنے آئے واشنگٹن سندر نے 18 رنز کی ناقابل شکست اننگ کھیلی۔ ہندوستانی ٹیم 45.3 اوور میں 156 کے اسکور پر ڈھیر ہو گئی۔نیوزی لینڈ کی جانب سے مچل سینٹنر نے 19.3 اوورز میں 53 رنز دے کر سات وکٹیں حاصل کیں۔ گلین فلپس کو دو وکٹ ملے۔ ٹم ساؤتھی نے ایک بلے باز کو آؤٹ کیا۔
