جالندھر، 3 جنوری (یو این آئی) پنجاب میں جالندھر کے ایڈیشنل ڈپٹی کمشنر (جی) میجر ڈاکٹر امت مہاجن نے بدھ کو کہا کہ لڑکوں اور لڑکیوں کے ہاکی (انڈر 19) کے 67ویں نیشنل اسکول گیمز 6 سے 11 جنوری تک ضلع جالندھر میں منعقد ہوں گے۔
ڈاکٹر مہاجن نے بتایا کہ ان گیمز میں ملک کی 26 ریاستوں کے کل 887 کھلاڑی حصہ لیں گے اور یہ میچ اولمپیئن سرجیت ہاکی اسٹیڈیم، پی اے پی، بی ایس ایف، لائل پور خالصہ کالج اور دوآبہ خالصہ ماڈل سینئر سیکنڈری اسکول میں کھیلے جائیں گے۔ انہوں نے مختلف محکموں کے عہدیداروں سے کہا کہ وہ رہائش، ٹرانسپورٹیشن، طبی تعیناتی، سیکورٹی اور دیگر کے لئے مناسب انتظامات کو یقینی بنائیں۔ انہوں نے کہا کہ تقریب کے لیے ان انتظامات کی آسان منصوبہ بندی اور اس پر عمل کیا جانا چاہیے۔اس ایونٹ کو ابھرتے ہوئے کھلاڑیوں کے لیے ان گیمز میں اپنی صلاحیتوں کے جوہر دکھانے کے لیے ایک بڑی حوصلہ افزائی قرار دیتے ہوئے اے ڈی سی نے کہا کہ ضلعی انتظامیہ گیمز کے کامیاب انعقاد کے لیے جامع انتظامات کو یقینی بنائے گی۔
تعلیم اور کھیل کے محکموں کے ساتھ مل کر کام کرنے کے علاوہ، انہوں نے اپنے اعلیٰ حکام سے بھی کہا کہ وہ کھلاڑیوں کی رہائش، سفر وغیرہ جیسے انتظامات کی ذاتی طور پر نگرانی کریں۔
