وشاکھاپٹنم، 02 فروری (یو این آئی) ہندوستانی کرکٹ ٹیم کے اوپننگ بلے باز یشسوی جیسوال نے جمعہ کو انگلینڈ کے خلاف دوسرے ٹیسٹ میچ کی پہلی اننگز میں طوفانی انداز میں اپنی دوسری ٹیسٹ سنچری بنائی۔اپنے ملک میں یشسوی کے ٹیسٹ کرکٹ کیریئر کی پہلی سنچری ہے اور انگلینڈ کے خلاف بھی پہلی سنچری ہے۔ انگلینڈ کے خلاف پہلے ٹیسٹ میچ میں شاندار کارکردگی کا مظاہرہ کرنے والے یشسوی نے دوسرے میچ میں بھی انگلینڈ کے خلاف شاندار کارکردگی کا مظاہرہ کرتے ہوئے 151 گیندوں میں 11 چوکوں اور تین چھکوں کی مدد سے سنچری اسکور کی۔ اس کے ساتھ ہی یشسوتی نے بین الاقوامی کرکٹ میں اپنے 1000 رنز بھی مکمل کر لیے ہیں۔ اس کا ٹیسٹ اوسط 45 کے قریب ہے اور اس کا اسٹرائیک ریٹ 60 ہے۔ انہوں نے ٹام ہارٹلے کی گیند پر چھکا لگا کر اپنی سنچری مکمل کی۔
