مسقط، 24 جنوری (یو این آئی) ممتاز اور دیپیکا کے شاندار گولوں کی بدولت ہندوستانی خواتین ہاکی ٹیم نے پولینڈ کو ایک سنسنی خیز مقابلے میں 5-4 سے شکست دے دی۔آج یہاں ایف آئی ایچ ہاکی 5 ایس ویمنز ورلڈ کپ 2024 ٹورنامنٹ کے پول سی کے میچ میں، ہندوستانی خواتین کی ٹیم کوپہلے ہاف کے آغاز میں ہی ممتاز خان نے چوتھے منٹ میں فیلڈ گول کر کے برتری دلائی۔ اس کے چند منٹ بعد ہی دیپیکا سورینگ نے چھٹے منٹ میں ایک اور فیلڈ گول کر کے برتری کو دگنا کر دیا۔اس کے بعد پولینڈ کی جولیا کوچارسکا نے آٹھویں اور اس کے بعد کپتان مارلینا رائباچا نے 10ویں منٹ میں فیلڈ گول کر کے پہلے ہاف میں پانچ منٹ پہلے اسکور 2-2 کر دیا۔ ممتاز خان نے 14ویں منٹ میں اپنا دوسرا گول کر کے پہلے ہاف میں اسکور 3-2 کر دیا۔دوسرے ہاف میں ماریانا کجور نے 23ویں منٹ میں گول کرکے ہندوستان کی برتری کو دوگنا کردیا۔ اس کے بعد پولینڈ کی پولا سلاوینسکا نے 27ویں منٹ میں اورمونیکا پولیوزاک کے 29ویں منٹ سے کچھ وقت پہلے کئے گول سے اپنی ٹیم کو میچ میں واپسی کی کوشش کی۔ تاہم، دیپیکا سورینگ نے 29ویں منٹ میں گول کرکے ہندوستان کو ایک بار پھر برتری دلادی اور ہندوستانی خواتین ٹیم نے برتری برقرار رکھتے ہوئے میچ 5-4 سے جیت لیا۔ہندوستانی خواتین ٹیم اپنا اگلا میچ امریکہ کے خلاف 24 جنوری کو 2110 بجے کھیلے گی۔
